InfoHub Logo

Sabaqtyń taqyryby: Balyq jáne teńiz ónimderi. (7 - synyp)
Sabaqtyń maqsaty:
Bilimdilik: oqýshylarǵa balyq jáne teńiz taǵamdarymen tanystyrý;
Damytýshylyq: oqýshylardyń teorıalyq bilimderin praktıka júzinde qoldana bilýge daǵdylandyrý;
Tárbıelik: qyz balany úı sharýashylyǵyna ıkemdi bolýǵa, uqyptylyqqa tárbıeleý.

Sabaqtyń túri: aralas sabaq
Sabaqtyń ádisi: túsindirmeli, suraq - jaýap
Sabaqtyń kórnekiligi: plakat № 1, 2, býklet
Pánaralyq baılanys: bıologıa, tarıh
Sabaq barysy
İ. Uıymdastyrý kezeńi.
a) sálemdesý ádebi: Sálemdesý, oqýshylardyń kóńil - kúıine, densaýlyǵyna basa nazar aýdarý.
á) sabaqqa qatysýyn baqylaý: joq oqýshylardy belgileý, kezekshilerdi anyqtaý, quraldaryn tekserý.
II. Ótken materıaldy eske túsirý.
a) úı tapsyrmasyn suraý:
á) ótken materıaldy pysyqtaý:
1. Dastarhan basynda ózin - ózi ustaý mádenıeti degenimiz ne?
2. Oryndyqta qalaı otyrý kerek?
3. Maılyq degenimiz ne?
4. Tamaq iship bolǵan soń maılyqty qaı jaǵyna qoıady.

İİİ. Jańa sabaq.
Balyq eti – dámdiligi men boıǵa juǵymdylyǵy jaǵynan odan asyp túsetin as. Et taǵamdaryna qaraǵanda balyq taǵamdary ásirese balyq sorpasy sińimdi bolǵandyqtan, ony paıdalanǵan kezde asqazan shyryny kóp bólinedi.
Balyq etiniń quramyndaǵy beloktyń kólemi 15 %- ten 26 % aralyǵynda bolǵanda, baǵaly bolyp esepteledi. Balyqtyń beloginde 20 túrli amın qyshqyly bolady, onyń 8 - i (lızın, metıonın, trıptofan, valın, leısın, ızoleısın, treonın, fenılalın), adam organızmi úshin óte qajetti zat bolyp esepteledi. Balyqta 0, 1 - 30 % maı, 0, 9 - 2 % vıtamınder men mıneraldyq zattar bolady. Sútqorekti janýarlardyń maıyna qaraǵanda balyqtyń maıy suıyq bolady, óıtkeni onyń quramynda zat almasýyna mańyzdy rol atqaratyn qanyqpaǵan maı qyshqyldary kóp bolady.
Balyq – óte baǵaly tamaq ónimi. Balyq etinde aqýyz, mıneraldyq zattar, maılar men dárýmender bar.
Balyq aqýyzy boıǵa tez sińedi (≈ 95 - 98 %).
Maıy az jas balyq paıdaly.
Maılylyǵyna qaraı balyqtardy 3 topqa bóledi:
- Aryqtaýy: náli balyq (treska), hek;
- Ortasha maıly: teńiz alabuǵasy, kambala, skýmbrıa, stavrıda;
- Maılysy: maıshabaqtar.
Balyqtardyń mıneraldyq quramy ár alýan. Teńiz balyqtary ıodqa baı. Balyq tez buzylady, sondyqtan ony tońazytqyshta ustaıdy, tuzdaıdy.
Muzdalǵan balyqtar óziniń bastapqy sapasyn joımaıdy. Balyqty saqtaý merzimin qadaǵalańdar.
Et daıyndamasy – jartylaı daıyndalǵan et.