InfoHub Logo

Taqyryby: Qustar bizdiń dosymyz.
Maqsaty: 1. Balalarǵa qustar týraly túsinik berý.
2. Qustarǵa qamqor bolýǵa, aıalaýǵa beıimdeý.
3. Qustar týraly oı - óristerin damytý.
Kórnekiligi: Qustardyń sýretteri, koronalar, sharlar, gúlder, ertegidegi úı, qustyń uıasy.
Uıymdastyrý kezeńi:
Balalar bizge apaılar qonaqqa kelipti. Biz apaılarmen sálemdesip alaıyq.
Amandasý úlkenge,
Tárbıeniń basy ǵoı.
Al, qanekeı, bárimiz,
Sálem deıik úlkenge
Sálemetsiz be, apaılar!
Óte jaqsy, balalar. Balalar jyl mezgilderine toqtalaıyq. – Balalar bir jylda neshe mezgil bar?
- Bir jylda 4 mezgil bar.
- Qazir qaı mezgil?
- Kóktem mezgili.
- Kóktem mezgiliniń qandaı erekshelikteri bar?
- Qar eridi. Aǵashtar búrshik jara bastady. Kún jylyndy. Jyly jaqtan qustar keldi.
- Óte jaqsy, balalar.
Olaı bolsa biz búgin qustarmen tanysamyz. Qazir biz qus týraly jylýlyq sheńberin quramyz.
Tárbıeshi: - Eger meniń qolyma qus kelip qonsa, men ony aıalap mápeler edim.
«Tárbıeshi qus músinin alaqanyna salyp, kelesi balaǵa usynady.»
Slýjan:- Eger meniń qolyma qus kelip qonsa, men ony jýyndyrar edim.
Aınat:- Eger meniń qolyma kelip qonsa, men oǵan ádemilep uıa jasap berer edim.
Dılnara:- Eger meniń qolyma kelip qonsa, men onyń aýzyna dám salar edim.
Janel:- Eger meniń qolyma kelip qonsa men onyń qanattaryn tazalar edim.
Jangúl:- Eger meniń qolyma qus kelip qonsa, men ony qushaǵyma qysar edim.
Óte jaqsy balalar, sonymen biz qustardy jaqsy kóremiz. Olardy kútip baptaımyz, qamqor bolamyz.
Iaǵnı, búgingi bizdiń ashyq tárbıe saǵatymyzdyń taqyryby:--
«QUSTAR BİZDİŃ DOSYMYZ»

Slýjan: Kóldiń beti kók aına,
Keldi qustar toǵanǵa.
Kóktem degen ǵajaıyp,
Kóktem degen keremet.
Dılnara: Kóktem. Kóktem degeniń,
Dalada ósken kóp egin.
Bulqynýy bulaqtyń,
Qulpyrýy dalanyń.
Saltanat: Uıa jasap taqtaıdan,
Talǵa aparyp baıladym.
Jyl qusynyń shattanǵan
Kúttim qalaı saıraýyn.
Dıas: Jyl qustary keldi dep,
Baldyrǵandar máz boldy.
Qos qanaty jelpildep,
Kólge úırek – qaz qondy.
Merýert qustar - bizdiń dosymyz
Baý - baqshany qorǵaıdy
Uıa jasap qarsy alsaq
Qustar bizdi qoldaıdy.
Án. «Biz ómirdiń gúlimiz»

Tárbıeshi:- balalar qustar 2 túrge bólinedi
- úı qustary jáne dala qustary.
- Dala qustarymen úı qustarynyń aıyrmashylyǵy nede?
- Úı qustaryna qandaı qustar jatady?
- Taýyq, átesh, qaz, úırek. t.b.
Qanekeı olaı bolsa úı qustaryn ortaǵa shaqyraıyq.
Átesh
Jaqyn túgil shalǵaıdy
Oıatýdan talmaıdy.
Tóbeleske kelgende
Aldyna jan salmaıdy
Úırek
Shyǵyp aýyl shetine,
jaıylady betimen.
Qyzyqtyrar ol bizdi,
Jumyrtqamen, etimen.
Taýyq
Balapanyn taýyq,
Qyzǵanady jaman.
Qanatymen jaýyp
Sanatpaıdy maǵan
Qaz
Qaýip qater joq alda,
Maltý kerek oǵan da.
Jumyrtqadan shyǵa sap,
Júgiredi toǵanǵa.

Tárbıeshi:- Óte jaqsy balalar. Úı qustarynyń bizge tıgizer paıdasy qandaı?
- Úıde ósiremiz. Jumyrtqa beredi. Etin jeımiz. Mamyqtarynan jastyq jasaımyz.
- Tárbıeshi:- Jaqsy. Endi dala qustaryna qandaı qustar jatady.?
- Qarlyǵash, torǵaı, qarǵa, kógershin, kókek.
- Olaı bolsa dala qustaryn shaqyraıyq.

Qarlyǵash.
Men adamnyń dosymyn
Mekeninde turamyn.
Shybyn kelse kásibim
Ustap jeımin qyramyn.
Tazalaımyn úı - ishin
Shybyn degen keselden.
El aýzynda maqtaýly
Sanıtarmyn tóselgen.
Torǵaı.
Ushyp kelgen eń alǵash,
Qara torǵaı qyraǵy.
Uıalarǵa qonaqtap,
Deıdi meniń turaǵym.
Qarǵa.
Tysqa shyqsam aýla qar
Basyp qapty mańaıdy.
Tal basynda qarǵalar
Tamashalap qaraıdy.
Saýysqan.
Ala qanat saýysqan,
Qurtty kórse jabysqan.
Bir tomardan tomarǵa,
Sekeń-sekeń aýysqan.
Kógershin.
Qanat qaǵyp sharyqtap,
Muhıt asyp qalyqtap.
Sharlap búkil álemdi
Shattandyryp bar eldi.
Beıbit kúnge sán bolǵan,
Men kógershin án bolǵan.
Kókek
Jarshysymyn kóktemniń
Kókek deıdi meni jurt.
Óz atyn aıtar án qylyp,
Kóktemdi kútseń meni kút.
Tárbıeshi:- Al endi balalar dala qustarynyń bizge tıgizer paıdasy qandaı?
- Olar aǵash basyna uıa salady. Aǵashtardy qurttardan tazalaıdy. Aınalany ásem ánge bóleıdi.
- Óte jaqsy, balalar.
Endi biz «Túlki men tyrna» ertegisin tamashalaıyq.