InfoHub Logo

Akter Táýekel Múslim marqum ákesiniń basyna baryp, quran baǵyshtady. Bul týraly ol óziniń áleýmettik jelidegi paraqshasynda jazdy.

Bul týraly Infohub.kz aqparat agenttigi habarlaıdy.

«Shymkent pen Túrkistannyń ortasynda Temirlan atty tamasha aýyl bar. Sol jerde meniń balalyq shaǵym ótti, ákemmen birge turdym. Endi sol ákemniń basyna óz balalarymmen kelip, quran baǵyshtamaqshymyn. Júnisbekov Sabyr Múslimuly 1995-2010 jj. Áke, jatqan jerińiz jaıly bolsyn», - dep jazdy akter.

Jeli qoldanýshylarynyń pikiri

Jelidegiler akterdiń bul áreketine jyly lebizderin bildirdi. «Ákeńizdi Ońtústiktiń bári jaqsy tanıdy», «Myqty kisi bolǵan. Jany Jánnatta bolsyn», «Nıetterińiz qabyl bolsyn», - dep jazdy olar.

Ákesi týraly estelik

Aıta keteıik, Sabyr Músilim 90-shy jyldary el egemendik alǵan kezeńde saıasat sahnasynda kóringen azamattardyń biri bolǵan. Sol kezde óńirdegi jumyssyzdyqty joıyp, qylmysty azaıtýǵa atsalysqan. Ony keıbir derekterde «qylmys áleminiń serkesi» dep te ataıdy.

Ol Ońtústik Qazaqstan oblysynyń týmasy, ádiletsizdikti jany súımegen, namysshyl azamat retinde sıpattalady. Sabyr Músilimniń ádildik jolyndaǵy áreketteri keıbir organdar tarapynan zańǵa qaıshy dep tanylǵanymen, oǵan taǵylǵan 9 bap boıynsha aıyptyń eshbiri dáleldenbegen. Alaıda, polısıa kóligin tintý kezinde tapqan pyshaq úshin ony sýyq qarý saqtady dep aıyptap, túrmege qamaǵan. Túrmede belgisiz aýrýǵa shaldyǵyp, keıin bosap shyqqan soń, aýrýynan aıyǵa almaı Almatyda qaıtys bolǵan.