Qytaı Starlink júıesine qarsy qorǵanys ázirleýde: Ulttyq qaýipsizdikke qater me?
Qytaı bıligi Ilon Masktyń Starlink spýtnıktik baılanys júıesine qarsy qorǵanys mehanızmin ázirleýge kirisken.
Starlink júıesi – AQSH-ta ornalasqan SpaceX kompanıasynyń jahandyq spýtnıktik ınternet jobasy. Qytaı ony ulttyq qaýipsizdikke tikeleı qaýip dep baǵalap otyr. Ǵalymdar men sarapshylar bul júıege qarsy túrli qarsy sharalardy qarastyrýda, onyń ishinde:
lazerlik qarýlar arqyly joıý nemese buǵattaý;
arnaıy qarsy spýtnıkterdi orbıtaǵa shyǵarý;
Starlink logıstıkalyq tizbekterine kıbershabýyl nemese dıversıa jasaý.
Starlink júıesiniń Ýkraınadaǵy soǵys qımyldarynda qoldanylýy jáne Ilon Masktyń geosaıası prosesterge aralasýy Beıjińniń alańdaýshylyǵyn arttyra tústi. Qazirdiń ózinde bul spýtnıktik júıe myńdaǵan spýtnık arqyly ınternet baılanysyn qamtamasyz etip otyr jáne Azıa men Afrıka naryqtaryna belsendi túrde enip keledi.
Aıta keteıik, buǵan deıin Starlink júıesiniń Qazaqstan naryǵyna da shyǵatyny týraly aqparat taraǵan. Bul jaǵdaı Qytaı úshin strategıalyq mańyzy bar óńirlerdegi aqparattyq táýelsizdik pen ǵaryshtaǵy ústemdikke baılanysty alańdaýshylyqty týdyryp otyr.
Beıjińniń bul qadamy – ǵaryshtaǵy geosaıası kúrestiń jańa kezeńine aıaq basqanyn bildiredi.
You Might Also Like
-
AQSH birneshe B61-12 úlgisindegi termoıadrolyq bombasyn Ulybrıtanıadaǵy Saffolk graftyǵynda ornalasqan Lakenheath áskerı bazasyna ornalastyrdy. Bul týraly UK Defence Journal basylymy habarlady.
-
Jańa jyl qarsańynda kópshiliktiń kókeıindegi basty suraqtardyń biri – 31 jeltoqsandy resmı mereke kúni retinde jarıalaý múmkindigi taǵy da Úkimet otyrysynda kóterildi. Bul joly da naqty jaýapty Eńbe...
