InfoHub Logo

Qytaıda buryn-sońdy bolmaǵan chıkýngýná vırýsynyń órshýi tirkelip, el bıligi men Dúnıejúzilik densaýlyq saqtaý uıymy dabyl qaqty. 7 tamyzdaǵy jaǵdaı boıynsha indetke shaldyqqandar sany 7 myńnan asty. Juqtyrǵandardyń kóbi — Foshan qalasynyń turǵyndary.

Chıkýngýná — masa arqyly taraıtyn ınfeksıa. Negizgi belgileri: dene qyzýy men býyndardyń qatty aýyrýy. Aýrý uzaqqa sozylǵan álsizdik pen múgedektikke ákelýi múmkin. Eń soraqysy — Qytaı halqynyń bul vırýsqa qarsy ımýnıteti joq.

Bılik indetti toqtatý úshin qatań sharalar qabyldaýda: dron arqyly da, qolmen de ınsektısıdter sebilip, sý jınalatyn oryndar qurǵatylýda. Masalarǵa qarsy torlar ornatylyp, talapty oryndamaǵandarǵa 10 myń ıýánǵa deıin aıyppul salynyp jatyr.

Aýrý adamnan adamǵa juqpaıdy. Sondyqtan alǵashqyda jarıalanǵan eki aptalyq karantın toqtatyldy. Al naýqastar kemi bir apta aýrýhanada oqshaýlanyp emdeledi.

Masa popýlásıasyn azaıtý úshin sý qoımalaryna dernásil jeıtin balyqtar men jyrtqysh masalar jiberilýde. Buǵan deıin DDSU bul vırýstyń jahandyq indetke aınalý qaýpi baryn eskertken edi.