InfoHub Logo

22 mamyrda Qyzylordadaǵy jekemenshik balabaqshanyń birinde kishkentaı qyzdy qaınaǵan sýǵa kúıdirgen qaıǵyly jaǵdaı tirkeldi. Búldirshinniń anasynyń aıtýynsha, qyz qazirgi ýaqytta aýrýhanada em alýda. Oǵan denesiniń birinshi, ekinshi jáne úshinshi dárejeli kúıigi qoıylǵan, ári aýyr jaǵdaıda jansaqtaý bóliminde jatqan. Qazir bala palataǵa aýystyrylǵan.

Balabaqsha meńgerýshisiniń habarlaýynsha, oqıǵa kezinde bala dárethanada bolǵan jáne kıimin lastap alǵan. Kútýshi ony jýyndyrmaq bolyp, abaısyzda ystyq sýdyń shúmegin ashyp alǵan, nátıjesinde búldirshin qatty kúıik alǵan.

Jumys berýshi taraptan kináli dep tanylǵan eki qyzmetker jumystan bosatylǵan. Balabaqsha zardap shekken balanyń anasymen únemi baılanysta bolyp, qajetti barlyq medısınalyq jáne moraldyq qoldaýdy kórsetip jatyr.