InfoHub Logo

Barsha musylman qaýymyna qasıetti ramazan aıy on eki aıdyń sultany dep beker aıtylmasa kerek sebebi, bul aıda musylmandarǵa baǵyt-baǵdar ıaǵnı jol basshy retinde Qasıetti Quran Kárim túsirilgen aı. Bul sózimniń dáleli Baqara súresiniń 185 aıatynda «Ramazan adamdarǵa týra joldy nusqaýshy, bekem tutanatyn jolbasshy retinde, aq pen qarany aıyrýshy Quran túsirilgen aı», - dep aıqyndaǵan eken. Bul aıat musylman qaýymynyń ómirindegi eki mańyzdy máselege ıshara. Birinshisi: Ramazan aıy – Paıǵambarymyz Muhammedke quran aıattary kele bastaǵan aı jáne Qasıetti Quran Kárimniń kóp bóligi ramazan aılarynda túsirilgen. Ekinshisi: Ramazan aıy bastalýymen árbir balıǵat jasyna jetken, aqyl esi durys musylman oraza ustaýy paryz degen.Oraza kezinde nıet etip tań aǵara bastaǵannan keshke kún batqansha tamaqtan tıylý ıaǵnı eshqandaı tamaq túrlerin jemeý ishpeý jáne túrli jaman is áreketterden aýlaq bolý degen maǵynany bildiredi. Ramazan aıy keıbir jyldary 29 kún bolsa al keıbir jyldary 30 kún bolady. Ramazan aıy 29 kún bolǵan kezde de tolyq bolyp esepteledi eken. Óıtkeni paryz bolǵan nárse sol aıda tolyǵymen oraza ustaý. Súıikti Paıǵambarymyz toǵyz márte Ramazan orazasyn tutqan eken. Bul Ramazannyń tórteýi 29, al beseýi 30 kún bolǵan. Qasıetti Ramazan aıy – musylmandar úshin qasıetti jáne berekeli aı ekeni barshamyzǵa málim. Islam tańy osy aıda atyp myń aıdanda haıyrly bolyp esepteletin Qadyr túnide osy aıda. Osyndaı uly aıdy Allah taǵala musylmandarǵa násip etken. Ramazan aıy– meıirimdiliktiń, qaıyrymdylyqtyń, sabyrlyqtyń, keshirimdiliktiń sonymen qatar taqýalyqtyń jáne nápsini tárbıeleý, óz-ózińe esep berý aıy.Sonymen qosa Ramazan Quran aıy, taqýalyq pen tárbıe aıy retinde baıyptalady. Ramazan – aılardyń sultany, kúnálardyń keshiriletin, myń aıdanda qaıyrly Qadir túni bar shoqtyǵy bıik qasıetti aı. Negizi oraza ustaýdyń rýhanı hám densaýlyqqa paıdalary óte kóp. Rýhanı paıdalarynyń biri adam balasyn sabyrlyqqa, tózimdilikke tárbıeleıdi. Óıtkeni pende kúnin Alla Taǵalaǵa ıman etken kúıde ashtyqpen, shólirkeýmen ótkizedi. Pende adamnyń ashýyn týdyratyn qandaıda bir jaǵdaılarǵa tap bolsa, «Men orazamyn» dep sabyrǵa keledi. Jalpy musylman qoǵamynda osy Ramazan aıynda qylmys azaıatyny belgili. Óıtkeni Allanyń musylman pendeleri ózin jáne ózgelerdi jaqsylyqqa shaqyryp, jamandyqtan tyıady eken. Nápsisin tizgindep, meıirimdi, keshirimdi bolady.  «Qasıetti Ramazannyń- basy meıirim, ortasy- keshirim, al sońy- jahannamnan azat bolý»-degende jaqsy aıtylǵan sóz bar.      Sóz sońyn qorytyndylaı kele Ramazan – jaqsylyqtyń saýaby eselenip jazylatyn aı. Orazada árbir ıgi amaldyń saýaby eselenip jazylady. Qudsı hadıste Alla taǵala: «Oraza– tek Men úshin. Onyń syıyn (saýabyn) Ózim ǵana beremin...» – dep orazanyń qadiri men qasıetin, máni men mańyzyn baıandaǵan.    

Ál-Farabı atyndaǵy Qazaq Ulttyq Ýnıversıteti, fılosofıa jáne saıasattaný fakúlteti, Dintaný mamandyǵynyń 3 kýrs stýdenti Rızabek Lashyn Jetekshisi: fılosofıa ǵylymdarynyń kandıdaty, dintaný jane mádenıettaný kafedrasynyń aǵa oqytýshysy Kantarbaeva J.Ý

---