InfoHub Logo

Dinı radıkalızm máselesi dinı fanatızm, dogmatızm, fýndamentalızm jáne terorızm uǵymdarymen tyǵyz jáne ózara baılanysta kórinis tabatyndyǵyn eskerý qajet. Dinı-radıkaldy kózqarasty jaqtaýshylar áý bastan ózderiniń agresıashyl is-áreketterimen kózge túsedi. Aldymen olar dinge senýshi basqa azamattardan ulttyq salt-dástúrge saı kelmeıtin kıim kıý úlgisi, júris-turysy sıaqty syrtqy kelbetiniń ózgesheligimen erekshelenedi dep aıtsaq bolady.. Radıkaldy dinı aǵymdardyń zaıyrly qoǵamǵa áseri men olardyń maqsaty qandaı? Radıkaldy dinı aǵymdar demokratıalyq, zaıyrly, quqyqtyq jáne áleýmettik memleket bolyp tabylatyn elimizdegi júıeni buzǵysy keledi. Zaıyrlylyqty dinge qaıshy etip kórsetkisi bar. Alaıda, bur zaıyrlylyq – dinsizdik nemese dindi teristeýshilik emes, ol – memlekettiń dinı emes, quqyqtyq qaǵıdattarmen basqarylýy ekenin túsine almaǵanynan týyndap otyr. Radıkaldanǵan adam dástúrli ulttyq rýhanı qundylyqtardy, qalyptasqan jergilikti dinı tájirıbeni joqqa shyǵaryp, moıyndamaıdy. Onyń bárin «dinge jańashyldyq engizý» dep qabyldaıdy. Sonyń saldarynan radıkaldanǵan azamattar qoǵamdaǵy áleýmettik-rýhanı, ekonomıkalyq-saıası ómirden baz keship, jat ıdeologıanyń qolshoqparyna aınalyp jatady. Olardyń mundaı áreketteri dástúrli dindi ustanýshy azamattarǵa keri áserin tıgizetini túsinikti.Dinı radıkaldy baǵyttaǵy azamattar zaıyrly qoǵamda ómir súretin óziniń aınalasyndaǵy ózge azamattardy májbúrleý ıakı kúshteý arqyly óz qaǵıdasyn ornatýǵa tyrysatyny anyq.

Ál-Farabı atyndaǵy QazUÝ, Fılosofıa jáne Saıasattaný fakúlteti, "Dintaný" mamandyǵynyń 3-kýrs stýdenti Rızabek Suńqar. Jetekshisi f.ǵ.k.,dintaný jáne mádenıettaný kafedrasynyń aǵa oqytýshysy Kantarbaeva J.Ý.

---