InfoHub Logo

Almaty oblysy, İle aýdany, Ótegen batyr kenti,
№7 orta mekteptiń bastaýysh páni muǵalimi
Súıýndikova Janat Bekqojaqyzy

1 - synyp
Taqyryby: Rahmet saǵan, Álippe!
Maqsaty: Álippeden alǵan bilimderin tekserý, oqýshylardyń sózdik qoryn, til baılyǵyn damytý, ana tili pánine degen súıispenshiligin arttyrý, uıymshyldyqqa, dostyqqa tárbıeleý.

İs - shara jospary:
Ánuran
Muǵalimniń quttyqtaý sózi:
- Sálemetsizder me, qurmetti qonaqtar, ata - analar! Balalaryńyzdyń bilim shyńyna basqan alǵashqy qadamdary qutty bolsyn! «Álippe bitirý»merekesine arnalǵan erteńgiligimizdi bastaýǵa ruqsat etińizder!
Ósti mine boılaryń
Ósti, mine oılaryń.
Qýanyshqa ortaqpyn
Qutty bolsyn toılaryń!
Armandasań da, qıaldasań da balalyq shaǵyń kóz aldyńa keledi. Óıtkeni, bıik asýǵa bettegen aıaýly ǵumyr, ǵajaıyp ómir osynaý bal kúlkili balalyq shaqtan bastalady. Mine, búgin bizdiń búldirshinder ómirine óshpes iz qaldyrǵan álippemen qoshtasqaly otyr. Endeshe qyzyqty da ǵalamat ózgerister syılaǵan, bilim nárimen sýsyndatqan, ómirde óz joldaryn tabýǵa jol siltegen ustazdaryna, ata - analaryna óz ónerlerin kórsetýge daıyn. Olaı bolsa júrgizýshilerimizdi ortaǵa shaqyraıyq!

Sultan: Assalaýmaǵaleıkým, ýa halaıyq!
Aıym: Armysyzdar, ardaqty ákeler men arýana analar.
Sultan: Keshegi sábı balańyz,
Jarady mine qarańyz.
Ǵylym, bilim jolyna
Endi qaıyq salamyz.

Aıym: Osy bizder qandaımyz?
Sultan: Myń buralǵan bıshimiz
Aıym: Biz qyzyqpyz, qyzyqpyz.
Sál erkeleý buzyqpyz.
Sultan: Biz shebermiz
Aqyldymyz
Aıym: Úlkenge izettimiz
Kishige qamqorshymyz
Sultan: Kóp oqımyz
Tereń oqımyz
Aıym: Ónerlimiz
Janyp turǵan shyraqpyz
Tolqyndy sý bulaqpyz
Sultan: Elimizdi órkendetin
Qazaq tilin kórkemdetetin
Aıym: Babalarǵa taǵzym etetin
Analarǵa bas ıetin.
Sultan: Eltańbasymen eńseli
Týymen tuǵyrly
Ánuranmen aıbatty
Hormen: «Biz ómirdiń gúlimiz!»
Aıym:
- Biz búgin sheksiz qýanyshtymyz, óıtkeni alǵash hat tanytyp, saýatymyzdy ashqan Álippeni bitirdik.
Sultan:
- Men endi ózim oqyp, ózim jaza alamyn. Ertegi, áńgimeni de óz betimshe oqı alamyn.
Aıym:
- Biz kóp nárseni - kitap oqýdy, óleń jattaýdy, sýret salýdy, án aıtýdy úırendik.
Sultan:
- Balalar, men senderge suraq qoıamyn:
İshi toly áripke,
Bilimdegi jaryq ne?
Oqýshylar hormen:
Bolashaqqa jol ashar,
Ol - súıikti Álippe,
Ol - súıikti Álippe!
Muǵalim:
Olaı bolsa, bárimizge eń qymbat «Álippeni» ortaǵa shaqyraıyq!
Hormen: Álippe, Álippe, Álippe
Álippe ortaǵa shyǵady:
- Armysyńdar jas dostar!
Armysyńdar, ata - ana!
Bolashaqqa jol bastar,
Álippeń keldi ortaǵa.
Bilim degen ǵajaptyń,
Álippesin meńgergen.
Keleshegi qazaqtyń,
Bastalady senderden.
Taýdaı bolsa talabyń,
Aıtary kóp áriptiń
Qýanyshy balanyń
Qýanyshy ananyń
Jaqsy bilim kórimdik,
Bolsyn bizge halaıyq.
Ne úıretip, ne bildik,
Qane, ortaǵa salaıyq!
Hor. Álippe

1 - oqýshy: Sabına
Eń alǵash alǵanymda Álippeni,
Qyzyǵyp qaraı berdim áripterdi.
Men úshin jumbaq bolyp qalar ma edi,
Ustazym onyń kiltin alyp berdi.

2 - oqýshy: Damır
Úıretip muǵalim bizge Álippeni,
Muǵalim ǵylymǵa jol salyp berdi.
Adamnyń aqyl - oıy, maqsattary
Oqýdyń sáýlesimen jaryq kórdi.

3 - oqýshy: Inabat
Áke, sheshe, atyn sen,
Bizge úırettiń Álippe.
Bizge jaqyn naǵyz sen,
Senen bildik áripti.
4 - oqýshy: Dımash
İzgilikti oıǵa tatıtyn,
Shákirt bop úzdik oqıtyn,
Álippe atty kememen,
Kezemin bilim muhıtyn.

5 - oqýshy: Aıaýlym
Úıretti bizdi Álippe,
42 derbes áripke,
Sóz, sóılem qurap áripten
Laıyq boldyń dáripke.
6 - oqýshy: Damır
Alfavıttiń A turady basynda,
Árqashanda Á turady qasynda.
Baıqadyń ba B turady úshinshi
Al, osynyń syry nede, túsinshi?
7 - oqýshy: Azatbek
A degen – ol analar ǵoı ardaqty
Á degen – ol ákeler ǵoı salmaqty
B degen – ol balalar ǵoı ádemi
Bizdiń elde úsheýi de kádeli.
Sondyqtan da rasynda
Turady olar alfavıttiń basynda.
Muǵalim:
- Balalar, óner - bilimniń barlyǵy da mektepten bastalady. Biz álippeniń arqasynda kóp nárseni oqyp - úırendik. Áripterden sóz quraýdy úırendik.
O T A N:
O: Otan - seniń ata - anań
Otan - dosyń, baýyryń,
Otan – ólkeń, astanań
Otan – aýdan, aýylyń
T: Táýelsiz el – turaǵym,
Táýelsizdik – jyr - ánim.
A: Adamdyqtyń belgisi – adam bolyp óskeniń,

N: Nanyń - náriń
Naızań – qarýyń
Namysyń - arýyń
MEKTEP:
M Sultan: Músinshi bolar Músilim.
Maraldyń jasap músinin.
Murajaıǵa mekteptiń,
Muny tartý etpekshi.
E Arýjan: Esenkeldi esti eken,
Erke Erlanǵa ermedi.
Erte turyp esikpen
Eden syrlap erledi.
K Dımash:
Kóktem kelip, qulpyryp
Dala gúlge orandy
Kempirqosaq kerilip,
Ádemi kúıge endi
T Zere: Bastaıdy ol tańdy da,
Bastaıdy ol taldy da.
Kelip turǵan qaı dybys
Taý men tastyń aldynda?
E Iamın: Eseıip kishi balǵyndar,
Elge qyzmet jasady.
Erteń seniń aldyńnan
Esigin mektep ashady.
P Sabına: Parta dese birinshi
Árip dese sońǵysy.
Bul qaı árip ekenin
Óziń qarap túsinshi.
Álisher: Mektep degen bilim keni, jyr keni,
Mektep degen ǵylymnyń eń úlkeni.
Mektep degen tárbıeshi adamǵa.
Mektep degen danalardyń mekeni.
Zere: Mektebim - bilim berer altyn uıam.
Er jetip sende sózim, artty sanam.
Baýlısyń 4jyl boıy ata - anamdaı.
Árqashan qasıetti atyń maǵan.
Erasyl: Armysyń sen altyn uıa mektebim,
Saǵan aıtar jyr alǵysym kóp meniń.
Júrekterge jaqqan bilim shyraǵyn,
Maqtan etem seni máńgi mektebim.
Iamın: Ulylyqty ardaq tutar únemi,
Altyn uıa, aq bosaǵa kıeli.
Qanat qaqqan bilim alyp ózińnen,
Kúlli shákirt saǵan basyn ıedi.
Aıaýlym: Mektebim, altyn uıam, nuryń jaryq,
Jaınattyń úmitimniń gúlin jaryp.
Súıkimdi seniń kúmis qońyraýyń,
Turady qulaǵymda syńǵyr qaǵyp.
Sabına: Mektep – úıim, ustazym meniń – ata - anam,
Sennen ósip, sennen ǵana nár alam.
Saıań ystyq, sen máýeli báıterek.
Tamyrlanyp, san tarapqa taraǵan.
Bári birge:

Tolyq nusqasyn júkteý