InfoHub Logo

Rahmet saǵan, súıikti Álippem!
Maqsaty: oqýshylardyń alǵan bilimderin ortaǵa salý. Kitap oqý sheberlikterin, taqpaq aıtý mánerin, esepke júırikterin, ónerlerin tanytý.
Kórnekiligi: oqýshylardyń úlgili taza dápterleri, A. Qunanbaev, Y. Altynsarın sýretteri men ulaǵatty sózderi.

Barysy: Kirispe sóz:
Qurmetti ustazdar men ata - analar, qonaqtar! Búgin sizder birinshi synyp oqýshylarynyń alǵash ret qoldaryna ustap, árip tanytqan oqýlyǵy «Álippemen «qoshtasý erteńgiligine kelip otyrsyzdar. Hosh kelipsizder deı otyryp,»Rahmet saǵan, Álippe!» atty merekemizdi bastaıyq.
Oqýshylar birtindep kiredi. Ár oqýshyǵa óleń arnaý arqyly attary atalǵanda ǵana kiredi.
2013 - shi jyldyń túlekteri,
17 - niń júrekteri,
Qýanyshtan jarylardaı,
Oryndaldy tilekteri.
Áriptiń bárin meńgerip,
Álippeni teńgerip,
Qoshtasqaly tur endi
Tanystyqty jón kórip.
Shapalaqty qaǵyńdar,
Tanystyram, qup alyńdar.

1. Adaldyqty qamal qyp,
Aq juldyzdy taǵynǵan.
Shynaıy asyl adamdyq,
Toǵjanymnan tabylǵan.

2. Birte - birte bilinbeı,
Bıiktep boıy uzaryp.
Dıdarymdaı jigitter.
Turady ottaı qyzaryp

3. Kóktegen ásem gúlderdeı,
Balapan bala burymyń.
Az bolar qyzym Merýertteı
Súıkimdi, ári sulýym.

4. Mańǵazdyq, ári sabyrlyq
Asylhannan tabylǵan.
Keıde aıtar sózdi nyq,
Appaǵym turar aldymnan.

5. Serpiltip týdy kóterer,
Asylan dara jasynan.
Sózi dara, ózi nyq,
Tárbıe durys basynan.

6. Ór daýsy jurtty úıirer,
Darhanym meniń suńqardaı.
Jazýy marjan súısiner,
Keıde qyrsyǵyp qalǵandaı.

7. Sarjan balam bıazy,
Tunyp qalǵan burqanbaı.
Alysta keıde qıaly,
Buzady keıde talqandaı.

8. Kelbeti qandaı kelisken,
Ilıas tolqyp tur ishten.
Berilgen oqý, sabaqqa,
Daryndy ǵoı ár isten.

9. Qara kóz, sulý Aızere,
Bedeli bıik synypta,
Ádemi jazý, joq qate,
Eshqashanda qamyqpa.

10. Qaraýǵa kóz toımaǵan,
Janary jazdaı Jansaıa.
Óz degenin qoımaǵan,
Bilimimen ol saıa.