InfoHub Logo

Esińde bolsyn, bul mańyzdy....

1. Memlekettik nagradalar, qurmetti ataqtar bas árippen jazylady: «Parasat» ordeni, «Eren eńbegi úshin» medali, «Halyq qaharmany» joǵary dárejelik belgisi, Qazaqstan Respýblıkasy Memlekettik syılyǵynyń ıegeri, Qazaqstannyń Halyq jazýshysy.

2. Áskerı jáne ǵylymı ataqtar, ǵylymı dárejeler kishi árippen jazylady: Avıasıa marshaly (Eskertý: Eger avıasıanyń Bas marshaly bolsa, bas árippen jazylady); armıa generaly, general-maıor; profesor, akademık, tehnıka ǵylymdarynyń doktory, dosent.

3. Merzimdi baspasóz ataýlary tyrnaqshaǵa alynyp, bas árippen jazylady: «Til» jýrnaly, «Aıqap» jýrnaly, «Egemen Qazaqstan» gazeti, «Qazaqstan áıelderi» jýrnaly;

4. «Memlekettik» degen sóz myna jaǵdaıda bas árippen jazylady: Qazaqstan Respýblıkasynyń Memlekettik týy; Qazaqstan Respýblıkasynyń Memlekettik eltańbasy; Qazaqstan Respýblıkasynyń Memlekettik ánurany; Eskertý: Tómendegideı jaǵdaılarda «Memlekettik» sózi kishi árippen jazylady: Memlekettik uıym, memlekettik organ, memlekettik basqarý organdary, memlekettik menshik, memlekettik komısıa;

5. Dúnıejúzilik qoǵamdyq uıymdardyń atalary bas árippen jazylady: Birikken Ulttar Uıymy Birikken Ulttar Uıymynyń Qaýipsizdik Keńesi

6. Resmı qujattarda kúrdeli ataýlardyń qysqarǵan nusqasy qoldanylady jáne olar bas árippen jazylady: EtZK– Eńbek týraly zańdar kodeksi; BUU –Birikken Ulttar Uıymy; QR AQ –QR Azamattyq kodeksi; AQ –Aksıonerlik qoǵam; HQO –Halyqqa qyzmet kórsetý ortalyǵy; JK –Jeke kásipker; UBT –Ulttyq biryńǵaı test;

7. Tómendegideı ataýlarda barlyq sóz bas árippen jazylady: Qazaqstan Respýblıkasynyń Prezıdenti; Qazaqstan Respýblıkasynyń Úkimeti; Qazaqstan Respýblıkasynyń Prezıdetiniń Jarlyǵy; Qazaqstan Respýblıkasynyń Parlamenti; Qazaqshalanbaıdy! SAMIT, ÝEFA, IýNESKO, NATO. Bularǵa jalǵanatyn qosymshalar dybystalýyna sáıkes jalǵanady.

 

---