InfoHub Logo

Jambyl Sáýlebekuly Aqylbaev – ulaǵatty ustaz, ǵajap ǵalym, ardaqty azamat desek artyq aıtqandyq emes. Ol kisiniń ómir jolyn saralap otyrsańyz, ol – ǵalym-fızık, tehnıka ǵylymdarynyń doktory, profesor, Halyqaralyk Joǵary mektep ǴA-nyń akademıgi, Ýnıversıtet rektorlary halyqaralyq asosıasıasynyń múshesi, Ortalyk Qazaqstan joǵary oký oryndary rektorlary aımaqtyq keńesiniń tóraǵasy. Asıstent, oqytýshy, QazMÝ-de stajer-zertteýshi, aspırant, QarMÝ-de aǵa oqytýshy, dekannyń orynbasary, teorıalyq fızıka kafedrasynyń meńgerýshisi, fızıka fakúltetiniń dekany, ýnıversıtetiń ǵylymı jumystar jónindegi jáne oqý isi jónindegi prorektory, Atyraý pedagogıkalyq ınstıtýtyń rektory. 1991-2003 j. E. A. Bóketov atyndaǵy Qaraǵandy memlekettek ýnıversıtetiniń rektory. 70-ten astam ǵylymı jáne ǵylymı ádistemelik jumystardyń avtory, óner tabysy úshin 10-ǵa jýyq avtorlyq kýálik alǵan. Shet aýdannyń qurmetti azamaty, «Parasat» ordeniniń ıegeri... Osyndaı qıyndyǵy men qyzyǵy aralasyp jatqan jumystardyń basy-qasynda bolyp, abyoıǵa bólengen, ómiriniń árbir ýaqytyn bilimge, ǵylymǵa arnaǵan qazaqtyń birtýar azamattarynyń biri deýge ábden laıyq azamat der edik. Ulylardyń ómiri men ónegeli qyzmeti  – urpaqqa ónege emes pe?  

Ulylardyń murasyn jalǵastyrǵan,
Birtýar azamaty - ol halqynyń.
Ǵumyryn arnap bilim salasyna,
Óshpeıtuǵyn artyna iz qaldyrǵan.

Eńbegi ólsheýsiz ǵoı uly adamnyń,
Bola bilgen árkimge de pana, demeý.
Stýdenttiń qamyn da, jumysshynyń,
Esh sátte de esinen shyǵarmaǵan.

Talap qoıý, ádildik, tózimdilik,
Basshyǵa tán qasıet bári ózinde.
Qaýymnyń qadirine bólengen jan,
Baǵyt-baǵdar berýden sharshamaǵan.

Tarıhtyń tolqynynda júrgen júzip,
Ómirde ólse de ol, óshpeıdi izi.
Shákirtpiz sondaı uly tulǵaǵa biz,
Asqaqtap mártebemiz maqtanamyz!

Qaı qyzmette bolmasyn, eń aldymen adamdardyń abyroıyn oılaǵan, ulttyq tildiń qadir-qasıetin, ulttyń namysy men rýhyn joǵary ustaǵan ardaqty azamat jaıly qaı derekterdi oqysańyz da mol taǵylym alar edińiz. Sebebi, óz basynyń qamynan góri halqynyń qamyn oılaǵan Jambyl Sáýlebekuly  -  táýelsiz qazaq eliniń asyl azamaty. Qashan da osyndaı ardaqty da, parasatty, qaıratty da qajyrly adamdar árbir iste halqynyń janynan tabylsa, sońynda qalǵan jurty jaman bolmas edi. Abyroımen qyzmet atqarý - árbir parasatty azamatqa tán qylyq. Ómirde qaıtalanbas tulǵalardyń biri bolǵan, bizdiń stýdenttik kezimizde bilikti basshy bolǵan Jambyl Sáýlebekuly – dál sondaı jan! Týǵan jerindegi týǵan-týysqandary, ol azamatpen áriptes, zamandas bolǵan adamdar úshin de orny bólek bolǵany aıan.

Ómir degen ómir me,
Aq-qarasy bolmasa?!
Eńbek degen eńbek pe,
Halqyna qyzmet qylmasa?!

Artyq týǵan azamat,
Halqynyń sózin sóıleıdi.
Bul ómirden ótse de,
Eńbegi onyń ólmeıdi.

Shákirtteri jalǵaıdy,
Uly ustazdyń ómirin.
Mol mura ǵyp saqtaıdy,
Úıretken árbir tálimin.

Bas ıemiz ǵalymǵa,
Shákirtteri atynan.
Jasaı bersin máńgilik,
Uly ustazdyń esimi!

Kýzembaeva Tolkyn Kabıevna
«№7 jalpy orta bilim beretin mektebi» KMM
Sátbaev qalasy, Qaraǵandy oblysy

---