InfoHub Logo

Baıaǵyda bir qý jigit bolypty. Ol únemi el aralap qoja-moldany kúlki etip, jarly-jaqybaıdy jadyratyp júredi eken. Bir kúni el aralap kele jatqan álgi qý jigit bir naýqas kempirdiń úıine tap bolǵan eken deıdi.

Aýrýynan qoryqqan kempir molla jáne balger shaqyrtyp, kúnde bal ashtyryp, qumalaq saldyryp otyrady eken. Al mollakeń ańqaý kempirdi aldap, Alla atynan aqy alyp otyrady. Muny bilgen qý jigit mollany bir qatyrýdy oılaıdy da kempirdiń balasyna sheshesiniń bir kezek kıimin urlatyp aldyrady.

Jigit, mollaǵa túnde kelip kempirdiń balasy bolyp:

— Apam qaıtys boldy. Tańerteń janazasyna kelińiz, – dep ketip qalady. Molla ertemen kele jatsa túnde «óldi» degen kempir otyr. Ol mollaǵa tap berip baqyra jóneledi. Záresi ushqan molla ımanyn aıtyp tura qashady. Kempir tarsyldatyp qýa beredi. Onyń qý jigit ekenin molla bilmeıdi. Esi kiresili-shyǵasyly bolyp ábden úreıi ushqan molla ázer dep kempirdiń aýylyna jetedi.

Artyna qarasa túk joq. Bosap ketken kisesi salbyrap tur. Arýaq qýdy dep kúni boıy qashqany kiseniń janyn soǵyp tarsyldaǵany eken. Molla entigin basyp úıge kirse álgi kempir aldynda otyr. Shoshynǵannan mollanyń tili kúrmelip qalady. Balasy ekeýi jabylyp júrip esin ázer jıǵyzady. Tilge kelgen molla asyp-sasyp kempirge ózińdi jolda kórdim, túnde ólgeniń qaıda, arýaǵyń anaý jolda júrgen, óziń mynaý tiri otyrǵan, – deıdi.

Kempir meni óltirip dúnıemdi alǵaly júrsiń dep oıbaı sap, eldi jıyp, mollany aýyldan qýyp jiberipti. Eshnárseniń baıybyna barmaı ábden shoshyǵan dúmshe aýylyna barar joldaǵy arýaqtan shoshyp basqa jolmen ketip áli kúnge deıin adasyp júrse kerek.

---