InfoHub Logo

QR Bilim jáne ǵylym mınıstri Erlan Saǵadıev oqýshylardyń ana-analaryn elektrondy  kúndelik engizýge májbúrleý faktileri ras bolǵan jaǵdaıda, muǵalimdermen mán-jaıdy anyqtaýǵa ýáde berdi.

«Mektep ózi kelisimge keledi. Eger ata-anasy kelip, mektep dırektoryna: «sizdiń elektrondy kúndelik engizýińizdi qalamaımyn» dese, onda mektep belgili bir áreketter jasaýy tıis. Biraq, ata-analardyń mektepke kelip, elektrondy kúndelikti engizbeýdi talap etkendigi týraly aqparat  túsken joq», - dedi ol QR Úkimetiniń selektorlyq rejimdegi otyrysynan keıin BAQ ókilderiniń saýalyna oraı.

Sonymen qatar mınıstr oqýshylardyń ata-analaryn atalǵan elektrondy bazaǵa tirkelýge májbúrleý faktileri oryn alatyn bolsa, onda sol ata-analardyń jáne muǵalimniń aty-jóni ataý qajettigin basa atty.

«Sizder maǵan sol ata-analardyń jáne tirkelýge májbúrlegen muǵalimniń aty-jónderin aıtyńyzdar. Sonda biz bul istiń mán-jaıyn anyqtaımyz», - dedi Erlan Saǵadıev.

Aıta keteıik, ótken jyly tamyz keńesinde QR Bilim jáne ǵylym mınıstri 2017 jyldyń sońyna deıin elimizdiń barlyq mektepterinde elektrondy kúndelik engiziletindigin aıtqan bolatyn.  Joba quny 30 mlrd. teńgeni quraıdy. Ol ınvestorlardyń qarjysy esebinen ótelmek.

---