InfoHub Logo

Aldaǵy ýaqytta ustazdar qaýymyn qyzmetterine tán emes jumystarǵa májbúrlep jegý tyıylady. Bul týraly búgin QR Bilim jáne ǵylym mınıstrliginiń keńeıtilgen alqa májilisinde vedomstvo basshysy Erlan Saǵadıev málim etti.

«Mańyzdy mindettiń biri ustazdardy ózderine tán emes qyzmetterdi oryndaýǵa májbirleýdi tyıý. Bul aýqymdy mindet. Degenmen biz ol úshin kúresetin bolamyz. Qazirgi ýaqytta biz ol jaıynda bilemiz saraptamalar, kartochkalar jınaıdy, jol júrý bıletterin taratady, tekserý júrgizedi. Eń birinshi kezekte tekserý júrgizýden bastamaqpyz. Muny shektegimiz keledi. Tetigin ázirlegennen keıin basqa organdarmen birlesip birqatar buıryqtar nemese Úkimettiń qaýlysyn shyǵarýdy bastaımyz. Ol ózge organdardyń bul maqsattarǵa oqytýshylar eńbegin paıdalanýyna tyıym salady», - dedi Saǵadıev.

Sonymen qatar mınıstr Ulttyq bilim berý málimetter bazasy men «Kúndelik» qazirdiń ózinde qaǵaz eseptilikti almastyra alatyndyǵyn basa aıtty.

«Birqatar kúrdeli problema bar. Bul - ustazdardyń barlyq deńgeıdegi tekserýshilerden qorqýy. Biz muny jaqsy túsinemiz. Men ondaǵan mekteptiń dırektorymen sóılestim jáne olardyń barlyǵy da: «Biz qaǵaz jýrnal júrgizemiz. Óıtkeni qorqamyz», -deıdi. Al men «Qaǵaz jýrnal júrgizýge tyıym salamyn», desem, olar: «Biz túnde bolsyn júrgiziemiz. Óıtkeni bul aqsha. Erteń ol úshin men basym ketedi, deıdi», - dedi Saǵadıev.

Osy rette Bilim mınıstri bul máseleniń QR Premer-Mınıstrimen, Bas prokýrormen jáne Qarjy mınıstrimen talqylanǵanyn atap ótti. Aldaǵy ýaqytta birlesken nusqaýlyq hat nemese buıryq shyǵarylady. Atalǵan qujat qarjylyq tekserýshilerge qaǵaz eseptilikti suraýyna tyıym salatyn bolady.

---