InfoHub Logo

Qazaqstanda orta mektepter janynan baıqaýshylar keńesi qurylady. Bul týraly búgin QR Bilim jáne ǵylym mınıstrliginiń keńeıtilgen alqa májilisinde vedomstvo basshysy Erlan Saǵadıev málim etti.

«Ústimizdegi jylǵy taǵy bir mindet - mektepterdegi aqsha jınaý máselesi. Mınıstrlik ustanymy qarapaıym - mektepke kómektesý kerek. Bul órkenıetti qoǵamǵa belgili. Kez kelgen órkenıetti qoǵamda qoǵamdyq bastamalar negizinde qoldarynan kelgenshe kómek berýge tyrysady. Munan bas tartýǵa múldem bolmaıdy. Biraq, ony órkenıetti jolmen jasaý kerek, erejesin jazý qajet. Barlyǵy da erikti ekendigi aıqyn kórinip turýy tıis. Adam moraldy syıaqy alýy qajet. Onyń sýreti mektep qabyrǵasy syndy jerlerde ilinýi tıis», - dedi mınıstri.

Sonymen qatar ol mektepterde aqsha jınaýǵa tyıym salyp, ony sheshý joldaryn da atap ótti.

«Kimde kim qalamasa, onda ony májbúrleýge múldem bolmaıdy. Shyndyǵynda mektepterdegi aqsha jınaýǵa qatań shekteý qoıý kerek. Jospar qarapaıym baıqaýshylar keńesin qurý», - dedi Erlan Saǵadıev.

Onyń aıtýynsha, baıqaýshylar keńesiniń quramyna ata-analar komıtetiniń, Ulttyq kásipkerler palatasynyń ókilderi, depýtattar, oblystyq bilim berý basqarmasynyń qyzmetkerleri, partıa músheleri kire alady. Jalpy, keńeske 17 adam múshe bolady.

«Olar mekteptiń qamqorshylyq keńesin quryp, qyzmetine, onyń ishinde demeýshilik jarnalardyń jumsalýyna jetekshilik etip otyrady. Oǵan shekteý qoıylmaǵan. Biz Qarjy mınıstrligimen sóılestik. Olarǵa mektepten bólek esepshot qurýǵa jáne ashýǵa ruqsat beriledi. Mektep atalǵan keńester arasynda túsken qarjy, onyń qaıda jumsalǵandyǵy  týraly esep beredi. Munyń barlyǵyn jasaýǵa jarty jyl bólingen. Biz muny jasaımyz», - dedi Erlan Saǵadıev.

---