InfoHub Logo

Kishkentaı qyz anasymen bastaýysh mektepke kele jatady. Bir kezde jańbyrdan sý bolǵan kózildirigin súrtip qoıyp bir nársege qarap toqtaıdy. Anasy qyzynyń nazaryna ilikken ne eken dep qarasa, ákesimen velosıpedte kele jatqan basqa kishkentaı qyz ekenin kóredi. Velosıpedtiń artqy ornynda otyrǵan kishkentaı qyz qulap qalmaý úshin ákesin jabysa qushaqtap, sýyqtan qyzarǵan betin ákesiniń arqasyna taıap otyr. Ákesi jıi-jıi qyzy jaqqa bas buryp bir nárselerdi aıtyp qyzdy kúldirip qoıady. Alystap bara jatqan velosıpedten kóz almaı qaraǵan qyzǵa anasy kúlimdep:

- Úıdegi zattar jetispeıtindeı endi velosıped alǵyzbaqshysyń ba maǵan? Biraq aıtqanyń bolsyn, qatty unatqan bolsań, satyp alaıyn, - deıdi. Kishkentaı qyz jáýteńdep:

- Velosıpedke qyzyqqanymnan emes. Ákesi velosıped aıdap bara jatsa da qyzymen áńgimesin úzbeı otyr.

Anasy túk estimegendeı... Qyzynyń qymbat jyly shapkasyn túzetip turyp:

- Keıbir balalar osyndaı sýyqtyń ózinde jaıaý júr. Ákeń bolsa jumysqa asyǵyp jatsa da, seni Mersedespen qalaǵan jerge aparady. Qyzdyń áli de velosıpedke qarap turǵanyn kórip:

- Qalasań ákeń seni jyly mashınamen emes, velosıpedpen ákep júrsin, muny osynshama qyzyq kórseń, - degende qyz muń uıalaǵan janary jasaýrap:

- Kúshti bolar edi! Bálkim sol kezde ákeshimdi qushaqtap saǵynyshymdy basarmyn...  

---