InfoHub Logo

Ertede samuryq atty qus bolypty. Onyń jan-janýar bitkenge qastyǵy joq eken. Bul óńirge jazda kelip balapandap, balapanyn ushyrǵannan keıin, basqa bir óńirge qystap kelýge ketip qalady eken. Záýlim aǵash basyna nemese jaqpar tasqa uıalap, ár jyly eki jumyrtqa tabady eken. Ol bir jyly shyńyraý quzdyń basyna uıa salyp eki jumyrtqa basyp, onysy balapan bolady. Bir kúni urǵashysy da, erkegi de jem izdep shyǵyp ketip qaıtyp kelse, jyrtqysh qustyń bir balapanyn óltirip shoqyp jep otyrǵanyn kóredi. «Áttegen-aı, ýaǵynda jem ákelip bere almaǵanymyzdan boldy-aý!» — dep qaıǵylanǵan samuryq endi jalǵyzynyń tileýin tilep, ony baǵyp-qaǵyp ushatyn kúıge jetkizedi. Bir kúni balapanyn uıadan ushyryp shyqsa, balapany shyńyraý quzǵa túsip ketedi. «Endi jalǵyzym da qaramaı ketti-aý!» — dep zarlap, nalyp mekenine ketip qalady. Kelesi jyly jáne kelip uıalap, eki jumyrtqa tabady. Bir kúni urǵashysy jumyrtqany shaınap uıadan ushyp shyǵyp, qasyndaǵy aǵashtyń saıasyna qonaqtap, uıaǵa qarap otyrsa, aspannan bir qara qus eki aıaǵyn salbyratyp ushyp kelip uıaǵa túsedi de, qaıta tik ushyp shyǵyp ketedi. Samuryq qus buǵan tań qalyp, «bul tegin emes, munda bir syr bar», dep túıedi. Sóıtse, aıtqandaı, aspannan ushyp túsken qus jyrtqysh, qasykóı qus eken. Óziniń bir jumyrtqasyn ákelip, samuryqtyń bir jumyrtqasyn alyp ketedi eken. Muny bilgen samuryq balapanyna zar jylap qysqy mekenine qaıtady eken. Sol momyn qustyń zaryna zar qosyp, «Samuryqtyń zary» dep shertken kúı edi.

 

---