InfoHub Logo

Erte zamanda bir batyr bolypty, ol eli dese janyn úzedi eken. Bir kúni elin ury shaýyp ketipti. Ol qasyna qalyń qol ertip jaýyn qýalap, shaýyp ketken malyn qaıtaryp ákelýge jol tartypty. Batyr jelmaıany baptap minedi eken. Jaý uzap ketkendikten tizgin úshimen júrýge týra kelipti. Osy kezde qasyndaǵylar jelmaıanyń jelisine jete almaı keıindep qala beripti. Olarǵa qaraıyn dese, jaý uzap ketetin bolypty.

Sonymen batyr jalǵyz ózi jelmaıanyń bar jelisimen aǵytylyp kele jatsa, İle ózeni sıaqty ózenniń Jamanty sıaqty bir bilek jerine kez bolypty. Batyr jelmaıanyń ekpinimen kelip irkilmeı ózennen attaǵanda, jelmaıanyń artqy aıaǵynyń ókshesi sýdy shalyp etkizip qalypty. Sonda álgi batyr «bizden keıingi balalar oılaı-oılaı ótetin bulaq eken», — dep artyna burylyp bir qarap qoıyp, jelmaıaǵa qamshy basyp júrip ketken eken.

Erteden qalǵan osy áńgimede júırikti tańǵalarlyq etip sýretteýmen birge, úlken ózennen ótkennen keıingi batyrdyń sózi, keıingiler úshin birer iske kezikkende aldymen oılaný jón ekenin eskertedi. Jelmaıa sıaqty júıriktiń jelisinen shabyt ala otyryp, Áshim «Jelmaıanyń jelisi», «Sur tolǵaý», «Óreli shabdar» t.b. kúılerdi shertken eken.

---