InfoHub Logo

Bir apta buryn Mılanda sán aptalyǵy aıasynda shoý ótti, onda kıim kórsetken modelderdiń 3 keýdesi boldy.

Ótken maýsymda ǵana Gucci qolynda bastaryn kótergen modeldermen jańa toptamany kórsetti.

Sizdiń kópshiligińizde suraq týyndaıtyny anyq - nege dızaınerler podıýmda kúlkili nemese qısynsyz toptamalardy kórsetedi, olardyń eshqaısysyn ómirde kıý múmkin emes?

Kez kelgen shoýlardyń maqsaty jańa toptamadaǵy kıimderdi kórsetý ǵana emes: sán dızaınerleri kórermenge belgili bir ıdeıany jetkizýdi kózdeıdi. Mysaly, 50-shi jyldary trendke aınalǵan náziktik beınesi nemese pank beınesi sıaqty ıdeıalyq kórsetilimder týraly aıtýǵa bolady.

Sán kórsetilimderi dızaıner úshin óz ıdeıasyn jarqyn jetkize alatyn alańǵa aınalady.

Ideıany jetkizý úshin modelder júretin mýzyka men oryn tańdalyp, olardy arnaıy stıldeıdi. Solaı dızaınerler kórermendi basqa álemge aparady. Sondyqtan, «artynda obraz ben tarıh turǵan kez-kelgen zat qymbat satylady».

Jańa árqashan alǵash kórgen nárse oǵash bolyp kórinedi, sondyqtan kóptegen adamdar úshin mundaı dızaındar tym radıkaldy.

Dese de, sán tarıhyn eske túsireıik:

Koko Shanel (búginde bári klasıkalyq sán ókili dep sanaıdy) bastapqyda daýly kýtúre bolyp sanaldy. Ol sánqoılarǵa jersı matasynan jasalǵan kıim kıýdi usyndy. Ol kezderi jersı matasyn kedeıler kıetin bolǵandyqtan mundaı usynys halyqqa ersi kórindi.

Andre Kýrrej 60-shy jyldary ǵaryshtyq koleksıany kórsetti (ondaı sán sol kezderi múldem erekshe boldy). Biraq ǵaryshtyq ıdeıa birden sánge aınaldy.

Biraq búgingi tańda kóp brendter obrazdarynyń podıýmdarda kórsetilgennen keıin árdaıym neǵurlym kıýge bolatyn nusqasyn shyǵaratynyn atap ótken jón.

Mysaly podıýmnan basynan aıaǵyna deıin aq mamyqqa oralǵan modeldi kórip tań qalǵanymyzben, kelesi kúni dúkennen shetinde kishkene aq qaýyrsyndary bar top satyp alamyz.

Kórsetilimderde mundaı ersi nárselerdi kórsetýdiń taǵy bir sebebi - kóbinese dızaınerler podıýmda koleksıalar arqyly halyqqa óner usynady. Bul jaǵdaıda kıim óz fýnksıasyn oryndaýdy toqtatqanymen, naǵyz óner týyndysyna aınalady.

Mundaı dızaınerlik zattardy murajaılar keıin óte úlken aqshaǵa satyp alady!

Biraq óner týyndylarynan bólek basqa baǵytta shyǵarylatyn, qarapaıym adamdarǵa baǵyttalǵan kıim úlgileri dızaınerlerdiń basty tabys kózi bolyp tabylady.

---