tengrinews.kz
Sandary úshin sapyrylǵan qarjy: Qazaqstandyqtar "sándi" nómirlerge qyrýar aqsha tóleýde
2026 jyldyń 1 qańtarynan bastap qazaqstandyq júrgizýshilerge avtokólikterine kez kelgen sandyq jáne áriptik tirkesimdi tańdaý múmkindigi berildi. Bul jańalyq avtokólik ıeleri arasynda úlken qyzyǵýshylyq týdyrdy. Tengri Auto bul qyzmetti qansha adam paıdalanǵanyn anyqtady.
İshki ister mınıstrliginiń málimetinshe, erikti árip-san tirkesimderi bar nómirler engizilgennen keıingi alǵashqy aıda 144 329 ótinim kelip túsken, onyń ishinde 137 631 memlekettik tirkeý nómiri (MTN) berildi.
Qandaı kombınasıalarǵa suranys joǵary ekeni týraly statısıka júrgizilmegenimen, berilgen MTN sanyna qarap-aq halyqtyń bul jańalyqqa qyzyǵýshylyǵyn baıqaýǵa bolady. Árbir "sándi" nómirdiń quny 10 AEK nemese 43 250 teńge turady. Osy somaǵa 123AZA01, 321ERA02, 069ARA03 sıaqty kombınasıalardy alýǵa bolady.
Tek berilgen 137 631 MTN eseptegende, olardy rásimdeý búdjetke 5 952 540 750 teńge tabys ákeldi.
Arnaıy HQO-lardaǵy ajiotaj
5 qańtarda Qazaqstannyń arnaıy halyqqa qyzmet kórsetý ortalyqtarynda (HQO) avtokólik nómirin erkin tańdaý múmkindiginiń engizilýine baılanysty joǵary suranys baıqaldy. "Azamattarǵa arnalǵan úkimet" memlekettik korporasıasynyń habarlaýynsha, jańa qyzmet týraly aqparat taraǵannan keıin kóptegen óńirlerde HQO-larǵa kelýshiler sany artqan.
Keıinirek "Azamattarǵa arnalǵan úkimet" memlekettik korporasıasy "SON" mobıldi qosymshasyna qajetti árip-san tirkesimin tapsyrys berý fýnksıasyn qosty. Buǵan deıin "sándi" nómirlerdi alýdaǵy ajiotaldy azaıtý maqsatynda olardy berý rásimin qaıta qaraý týraly usynystar aıtylǵan bolatyn.
Bul týraly Infohub.kz aqparat agenttigi habarlaıdy.
-
Qostanaı qalalyq soty tutynýshynyń quqyǵyn qorǵap, moraldyq shyǵyn óteý týraly azamattyq isti qarady. Áıel sýpermarketten satyp alǵan kámpıtteriniń ishinen zıankesterdi tapqan.
-
Kazakhstan has seen a surge in demand for personalized license plates since their introduction, generating billions of tenge for the state.
