(Lermontovtan)
Sarǵaıyp kelgen egin tolqyndansa,
Jas orman, jel kúńirentip, ánge salsa,
Japyraqtyń jasyl lázzatty saıasynda
Baqshada moıyl qaımaq jasyrynsa.
Sebilgen almas shyqpen shyn hosh ıis,
Sary altyn - erte, ıakı qyrmyzy kesh.
Bir toptyń qoltyǵynan kúlip qana
Bas ıip esendeser kúmis landysh.
Sekirip salqyn bulaq oınap saıda,
Batyryp kómeski tús, tumandy oıǵa,
Shapqylap shyqqan jerin áńgime ǵyp,
Byldyrlap aq betinen súıgizse Aıǵa,-
Sol ýaqyt jaı tabady asaý janym,
Sol ýaqyt jadyraıdy qas-qabaǵym.
Shyn baqty tapqandaı bop osy jerde-aq,
Kóremin kók júzinde Jasaǵanym...

---