Kórise almaı zaryǵyp,
Sarǵaıysqan eki jas,
Áldeqalaı týra kep,
Kórisedi - kóńil mas.
Móldiresip kózderi,
Bir-birine qaraıdy.
Qysqa boldy sózderi,
Jyly ý boıǵa taraıdy.
Aýyzǵa aýyz tıisti -
Deneleri balqydy.
Tilden tátti súıisti -
Júrek jandy, shalqydy.
Ystyq lebiz súıgende
Órtegendeı júzderin.
Endi dene kúıgende
Ashty ekeýi kózderin.
Oıanyssa, adam joq,
Tús aldaıtyn jaý ma eken?
Bir-birin túste súısin dep,
Oınap súıgen sáýle eken.
Esinep, bir kerilip,
Qaıta taǵy jumyp kóz:
«Uıqymdy, sáýle, buzdyń!»,-dep,
Jatty jamylyp sulý qyz.
Abaqtyda oıanyp,
Jigit «ýh» dep dem aldy.
Kórgen túske jubanyp,
Sáýlege altyn qýandy.

---