InfoHub Logo

Bul ereje asa kóp jigerdi talap etpeıdi, degenmen aıtarlyqtaı paıdasy zor.

6/30 erejesi mynadaı:

Uıqyǵa 6 saǵat aldyn kofeın tutynbańyz jáne 30 mınýt aldyn  gadjet paıdalanbańyz.

Ǵalymdar uıqyǵa deıin 3-6 saǵat buryn kofeın tutynýdyń áserin zerttegen.

Caffeine Effects on Sleep Taken 0, 3, or 6 Hours before Going to Bed zertteýine súıensek, alty saǵat – qajet bolǵan ýaqyttyń eń kemi. Sebebi, tájirıbege qatysqan, uıqyǵa deıin 6 saǵat buryn kofeın tutynǵan adamnyń ózinde de uıqynyń buzylýy sezilgen.

Eń kóp kofeın, árıne, kofeniń quramynda. Kofe eń sergitkish qasıetke ıe sýsynnyń biri. Sondyqtan da, kofeni tańerteń nemese kúndizgi ýaqytta ishken abzal.

Aıtpaqshy, sháıda da azdaǵan kofeın mólsheri bolady. Sodyqtan uıqy aldynda kók nemese qara sháı ishpegen durys. Biraq, shópti demdeýishter sizdiń uıqy tártibińizdi buzbaıdy.

Gadjetter

Smartfon, noýtbýk nemese basqa da qurylǵylardyń ekranynan shyqqan kógildir jaryq melatonınniń óndirisin, ıaǵnı uıqy gormonyn baıaýlatady. Mundaı jaryqtar ishki aǵzaǵa «áli uıyqtaýǵa erte» degen belgi jiberedi.

Uıqy aldynda demalǵan jón. Áleýmettik jelidegi paraqshalaryńyzdy qarap, jumys hattaryna jaýap berip nemese teledıdar kórý arqyly siz mıyńyzǵa salmaq túsiresiz. Al, uıyqtaǵan soń uıaly telefonyńyzǵa hattar kelip, dybysy mazalamas úshin ony "ushý" rejımine qoıyńyz.

Eń durysy, uıqyǵa deıingi 2 saǵat aldyn barlyq tehnologıadan ózińizdi alshaqtatqan jón. Biraq, aǵzańyz tolyqtaı uıqyǵa ketýge daıyndalýy úshin jarty saǵat ta jetkilikti.

Oqýǵa keńes beremiz:

60 sekýndta uıqy keltiretin ádis

Uıqynyń jaıly bolýyna yqpal etetin 5 ósimdik

Adam uıyqtap bara jatyp nege selt etedi?

---