InfoHub Logo

Soltústik Qazaqstan oblysy Petropavl qalasy
M. Qozybaev atyndaǵy Soltústik Qazaqstan
memlekettik ýnıversıtetiniń stýdenti
Tasbýlatova Aıgerim Baýyrjanqyzy

«Qazaqtyń qany bir, jany bir jol basshysy — muǵalim. Elimizdiń az ǵana jyldyq oıaný dáýirine baǵa berý úshin alty alashtyń balasy bas qossa, qadirli oryn — muǵalimdiki», — degen qazaqtyń kemeńger aqyny Maǵjan Jumabaev. Erteńgi kúnniń búgingiden góri jarqynyraq bolýyna yqpal etip, adamzat qoǵamyn alǵa aparatyn qudiretti kúsh tek bilimge ǵana tán. Demek, qaı eldiń bolsyn órkendeýi, órkenıetti dúnıedegi ózindik oryn alýy bilim salasynyń damý baǵytyna tikeleı baılanysty. Elbasymyz Nursultan Ábishuly Nazarbaevtyń: «Elimiz erteńi búgingi jas urpaqtyń qolynda», — degeni bárimizge belgili. Elimiz órkenıetti elderdiń qatarynan oryn alyp, urpaǵymyz qoǵam qajettiligine saı bolyp jatsa,bul — ustazdardyń eńbeginiń jemisi. Olaı deıtin sebebimiz, aqyndy da, batyrdy da, alypty da, danany da ustaz tárbıeleıdi. Muǵalimi qandaı bolsa, qoǵamy da sondaı bolmaq delingen buljymas zańdylyq erte ýaqyttardyń ózinde-aq belgili boldy. Adamzat órkenıetiniń damý tarıhynda jaqsy mektebi men muǵalimderi bar memleket qana ozyp shyqqan. Qasıetti qara shańyraqtyń bilim nárimen sýsyndap, muǵalim degen ataqty alyp shyǵý, oqýshylarǵa jaqsy tárbıe men bilim berý úlken erlik. Sebebi biz tárbıelegen urpaq erteńgi kúni elimizdiń tiregi bolmaq. Táýelsizdiktiń tuǵyryn,elimizdiń tynyshtyǵyn saqtap qalatyn da solar. Sondyqtan ustaz bolý — júrektiń batyrlyǵy. Adal eńbegimen elge tanylǵan adamdar qaı salada da kezdesedi.

Meniń naǵashy atam — Seıtbaev Baǵram 1924 jyly Soltústik Qazaqstan oblysy, qazirgi Esil aýdanynyń Ilınka selosy men Aleksandrovka aýyldy mekenderiniń eki ortasynda, Esil ózeniniń jaǵalaýynda kezinde oryn tepken, keıin jergilikti turǵyndardyń basqa jerlerge qonys aýdarýyna baılanysty joıylyp ketken Árıánka degen (Sádir men Qýat tuqymdarynyń) eldi mekenderinde dúnıege kelgen. 13 jasynda ákesinen aıyrylyp, erte eńbekke aralasyp, shyńdalyp, ósken. Uly Otan soǵysy bastalǵannan keıin 18 jasynda, ıaǵnı 1942 jyly 15 maýsymda ásker qataryna shaqyrylyp, Belarýs maıdanynda nemis-fashıst basqynshylarymen shaıqasty. Biraq 1944 jyly 27 naýryzda qolynan jaralanyp, elge oralǵan. Maıdandaǵy erligin dáripteıtin marappattary, atap aıtqanda «Otan soǵysy 1 dárejeli» ordeni, «Maıdandaǵy erligi úshin», «Za boevye zaslýgı», «Za pobedý nad Germanıeı», «Uly Otan soǵysynyń 20,30,40 jyldyǵyna» oraı berilgen, «SSSR Qarýly Kúshteriniń 50, 60 jyldyǵy» qarsańyna qaraı berilgen medaldary men tós belgileri bizder úshin qundy jádiger. Jaralanyp elge oralǵannan keıin bel sheship eńbekke aralasty. Soǵys aıaqtalǵannan keıin 1948 dyly Petropavldaǵy pedagogıkalyq ýchılıshege túsip, ony bitirgennen keıin 1950 jyly qyrkúıekte Amankeldi aýylynyń bastaýysh mektebiniń muǵalimi bolyp taǵaıyndaldy. Sol jyly syrttaı Qaraǵandynyń qazaq memlekettik muǵalimder ınstıtýtyna túsip, ony 1954 jyly oıdaǵydaı tamamdap, qazaq tili men ádibıeti pániniń ustazy mamandyǵyn alyp shyqqannan keıin Lenın (qazirgi Esil). Úlken uly Seıtbaev Jaqsyly komersıalyq salada dırektorlyq qyzmetterdi atqaryp júr. 1985 jyly jary Smaǵulova Baqytjanmen otaý tikti.

Seıtbaev Baǵramnyń úlken qyzy meniń ájem — Raýza Baǵramqyzy hımıa pániniń muǵalimi, ol 1967 jyldan bastap áke jolyn qýyp, Qaraǵandy Memlekettik ýnıversıtetiniń hımıa-bıologıa bólimin úzdik aıaqtap, Lenın aýdany Jarǵaıyń  jyly segizjyldyq mektebinde muǵalimdik jolyn bastady. 1973 jyly otbasyn quryp,dúnıege bes bala ákeldi. Qyzmet babymen Órnek aýylyna kóship baryp, ustazdyq jolyn jalǵastyrdy. Óziniń ustazdyq jolymen qosa balalaryna da bilim berip, oqytyp, zeınetkerlikke 25 jyl ótilimen shyqty.
Elbasymyz N.Á.Nazarbaevtyń «Mádenı Mura» baǵdarlamasy aıasynda, qazirgi tańadǵy ustazdarǵa syı-qurmetpen qaraý ónegeli is bolyp tabylady.

---