InfoHub Logo

Sherzat Polattyń ólimine baılanysty sot otyrysynda jábirlenýshi taraptyń advokaty Meıirman Shekeev marqumnyń jaqyndaryna tólenýi tıis moraldyq jáne materıaldyq ótemaqy mólsherin jarıa etti. Bul týraly Infohab jazady.

Advokattyń aıtýynsha, negizgi ótemaqy talaptary sottalýshylar Shynasyl Abzal men Ravıl Sákıevke qatysty.

Atap aıtqanda, marqumnyń ákesi Qarjaýbaı Nurymov balasynyń jerleý rásimine ketken shyǵyn úshin Abzal Shynasyldan 2 mln 794 myń teńge óndirip berýdi suraǵan. Budan bólek, moraldyq zıan úshin tómendegi somalar talap etildi:

• Qarjaýbaı Nurymovtyń paıdasyna Abzal Shynasyl men Ravıl Sákıevten – árqaısysynan 50 mln teńgeden, jalpy 100 mln teńge;
• Anasy Gúlbara Beıshembıevaǵa – 100 mln teńge;
• Ájesi Jumabıke Qadyrovaǵa – 100 mln teńge.

Sondaı-aq, Shyńǵys Belqojaev, Darhan Áskentaı, Nurqıas Ilásov, Azamat Toqtaýbaev, Nurbolat Toqtaýbaev jáne Dıdar Qalıahmetten marqumnyń týystary árqaısysynan 20 mln teńgeden óndirip alýdy talap etti. Bul – Qarjaýbaı Nurymovtyń paıdasyna 120 mln teńge, sondaı-aq anasy men ájesine de dál osyndaı kólemde ótemaqy suraldy.

Advokattyń málimdeýinshe, ótemaqy somasy psıholog mamandar júrgizgen zertteý nátıjesi negizinde anyqtalǵan. Jerleý rásimine jumsalǵan shyǵyndy dáleldeıtin túbirtekter sotqa usynylǵan.