InfoHub Logo

Til úırenýdiń, ózimiz oılap taýyp alǵan qıyndyqtardan basqa esh qıyndyǵy joq. Kato Lomb - eń alǵashqy sınhrondy aýdarmashylardyń biri, ol 16 til bilgen. Tómende Kato Lombtyń shet tilin úırengisi keletinderge qysqa ári nusqa keńesterin keltirdik.

1. Jańa til úırený úshin ol tilmen kúnde aınalysý kerek. Ásirese tańerteńgi ýaqyttar paıdalyraq bolady. Ýaqyt jetpeı jatsa, tipti 10-15 mınýt bólip, birnárse oqý kerek nemese ótken sózderdi qaıtalaý kerek.

2. Til úırenýge degen qulshynys tez báseńsip qala beretin bolsa, óz-ózińizdi jalyqtyrmaıtyn bir tásil oılap tabyńyz. Mysaly úırenip jatqan tilińizde mýzyka tyńdańyz, fılm qarańyz, kishkene demalyp serýendep qaıtyńyz, sodan keıin ári jalǵastyryńyz. Biraq, eshqashan tastap ketpeńiz.

3. Sózderdi bir-birlep jattamańyz. Mátindep, ıaǵnı sóılemdep jattaýǵa tyrysyńyz. Mysaly «strong wind», bir sózdi esińizge túsirgende ekinshi sóz ózi avtomatty túrde keledi.

4. Sóılemderdi jazyp júrýdiń, jáne olardy kóp qoldanýǵa tyrysýdyń paıdasy zor.

5. Kórgen nárseńizdiń barlyǵyn ishteı aýdaryp júrińiz. Mysaly kóshedegi jarnamalardyń mátinderin, óleńderdiń sózderin, gazet maqalalarynyń taqyryptaryn t.b. Bul mıdy jattyqtyrady, jattalǵan sózder qoldanys taba bastaıdy.

6. Kishkentaı mátinderdi, dıalogtardy jattap alý paıdaly. Biraq jattaǵan mátinniń durys, ıaǵnı qatesiz jazylǵanyna kóz jetkizińiz.

7. Qoldanystaǵy frazeologıalar men sóz tirkesterin de mindetti túrde jazyp alyp, jattap alý kerek. 

8. Shet tilin oqshaýda úırený óte qıyn. Til úırený úshin barlyq tásilderdi qoldaný kerek. Úırenip jatqan tilińizde fılm kórińiz, kitap oqyńyz, sol tildegi basylymdardy, ınternet resýrstardy oqyp turyńyz nemese sol tilde sóıleıtin adamdarmen tildesińiz.

9. Qatelikten qoryqpańyz, túzetilmegen qatelikten qorqyńyz. Eshnárseni tekserýsiz qaldyrmańyz, úırengen nárseńizdiń durys ekendigine jaqsylap kóz jetkizińiz.

10. Siz bul tildi úırenip alatynyńyzǵa kámil senińiz. Sonda san sapaǵa aýysyp, úırenip jatqan tilińizde belgili bir dárejege jetesiz.

---