InfoHub Logo

Jer betinde syrtqy kórinisterimen basqalarynan erekshelenetin myńdaǵan tirshilik ıeleri ómir súredi.

Shyny asshaıan

Eles asshaıan degen atpen de belgili bul tirshilik ıesi shaıan tektesterdiń barlyǵy sıaqty tushshy sýda mekendeıdi jáne qoqystarmen qorektenedi.

Opıstoprokt balyǵy

Bul balyqtyń kózderi jaryqqa óte sezimtal bolyp keledi. Oǵan qosa, opıstoprokttyń suıyqtyqqa tolǵan móldir basy da ony basqa balyqtardan aıyratyn ereksheligi bolyp tabylady. Balyqtyń kózderi ashyq jasyl tústi lınzalarmen kómkerilgen. Qoregin izdeý barysynda joǵary jaqqa qaraıtyn kózderi (fotoda kórsetilgendeı) tabylǵan qoregin jeý barysynda dál aldyna qaraýymen de erekshelenedi. Balyqtyń aýzynan sál joǵary ornalasqan jáne eki kózi retinde qabyldanýy múmkin tústi daqtary onyń ıis sezý túısigi eken.

Tasbaqa qońyz

Bul qońyzdardyń birneshe túri bar, alaıda olardyń báriniń bulyńǵyr daqtary bar móldir saýyttarynyń bolatyndyǵyn aıtý qajet.

Shyny baqa

Shyny baqalardyń da birneshe túri bar. Olardyń barlyǵy Ortalyq jáne Ońtústik Amerıkanyń tropıktik ormandaryn mekendeıdi. Olar qozǵalmaı otyrǵanda, aınalalaryndaǵy jyrtqyshtar úshin múldem kórinbeıtindigimen erekshelenedi.

Greta Oto

Shyny kóbelek retinde de belgili bul tirshilik ıesi Kolýmbıa, Bolıvıa, Perý men Ekvador ormandaryn mekendeıdi. Greta Oto birneshe saǵat boıy gúlde otyryp, onyń balshyrynymen uzaq ýaqyt boıy qorektenýge daıyn.

Aq qandy balyqtar

Qoltyraýyn muzbalyǵy (Crocodile Icefish) retinde de belgili aq qandy balyqtar Antarktıkada mekendeıdi jáne qany men deneleri tússiz bolǵandyqtan, olardyń syrtqy kórinisi de tússiz bolyp keledi. Muzbalyq qyzyl qan jasýshalary men gemoglobın aqýyzy joq jalǵyz omyrtqaly bolyp tabylady.

Salpa madjore

Sýdy óziniń as qorytý organdary arqyly ótkize otyryp, fıtoplanktonmen qorektenetin jáne muhıt betimen qozǵalatyn salpalardyń bir túri. Salpalar ózderiniń ǵajaıyp bir ózgesheligimen erekshelenedi: olar jeke bir aǵza retinde de, bir úlken azanyń bóligi retinde de ómir súre alady.

Móldir teńiz qıary

Bul ózgeshe tirshilik ıesi muhıt túbimen jorǵalap, sý túbindegi ózi úshin qunarly azyq bolyp tabylatyn azyq túrlerin jeıdi. Qarmaýyshtary qysqa bolǵandyqtan, «qıardyń» qozǵalys jyldamdyǵy mınýtyna 2 santımetrdi ǵana quraıdy.

Kranhııdter

Shyny kálmarlar atymen de belgili kranhııdterdiń 60-qa jýyq túri bar. Olar ómirleriniń kóp bóligin taıaz sýda kúnniń kózi jaqsy túsetin jerlerinde ótkizedi, sebebi olardyń móldir syrtqy kelbetteri mundaı taıaz sýda múldem kórinbeıdi.

Medýzalar

Keıbireýleriniń qarmaýyshtary ýly bolyp keletin medýzalardyń sýda júzýshiler úshin óte qaýipti bolyp sanalatyn móldir jáne jartylaı móldir tústi kóptegen túri bar.

Úlken kalıfornıalyq skat

Olar óte úlken kólemge deıin ósedi. Eger jaqyndaı alsańyzdar, olardyń bozarǵan terileri arqyly ishki organdaryn kóre alasyzdar.

Móldir amfıpoda fronıma

Bul kishi-girim asshaıannyń dene kólemi 2,5 sm qurasa da, ol óz qatygezdigimen erekshelenetin tirshilik ıeleriniń qataryna enedi. Onyń syrtqy kelbetiniń móldir bolǵany sonshalyq, ol qorshaǵan ortanyń túsimen aralasyp, oljasyna qysqashtarymen kenetten jarmasa ketedi eken.

Teńiz perishtesi

Teńiz shaıtandarymen qorektenetin jyrtqysh qursaqaıaqty ulýlar bolyp tabylady. Olar ózderiniń syrtqy kórinisterimen pokemondardyń jańa eki túriniń – Phione men Manaphy túrleriniń shyǵýyna negiz bolypty.

Shyny jaıyn

Azıalyq móldir jaıyn álemdegi bizge belgili omyrtqalylardyń ishindegi eń móldiri bolyp esepteledi. Ol Taıland, Malaızıa men Indonezıa jaǵalaýlarynyń boıyn mekendeıdi.

Móldir shyryshty ulý

Gaeotis flavolineata – óte qysqa denelerimen erekshelenetin baýyr aıaqtylar. Olardyń dene kólemi shamamen oq kólemimen tepe-teń keledi eken.

Mnemiopsis leidyi

Vertıkaldy aıdarlarynyń tórt qatary bar jáne teńiz grek jańǵaǵy atymen belgili mnemıopsıs taraqtylary doǵal ári móldir dene bitimderimen erekshelenedi. Olardyń aıdarlary kempirqosaq tústerin kórsete alady, al jele tárizdes denelerine zaqym tıgende, kók-jasyl tústi sáýle taratady eken.

Shyny segizaıaq

Bul ulýdyń jele tárizdes denesi tolyqtaı derlik móldir bolyp keledi jáne ishki organdarynyń keıbirin sanamaǵanda, onyń boıaǵysh pegmentteri múldem joq eken. Ulýdyń denesiniń móldirligi sonshalyq, onyń as qorytý júıesi men asa úlken kólemimen erekshelenetin mıyn baıqaýǵa bolady eken.

---