Shyńdaý kúıi
Uly júzdyń bir taraýy Sıqym rýynan shyqqan batyr Taılaq, tek kúshimen emes, sondaı-aq asqan sybyzǵyshy retinde tanylǵan batyr bolǵan. Bir kúni Taılaqtyń aýlyna mezgilsiz kezde shapqynshylar kelip, jylqysyn aıdap áketedi. Taılaqtyń Seker jáne Baraq atty eki uly shapqynshylardy qýyp ketedi. Baraq soqqydan qaza tabady, Seker jaýyn jeńip, aýlyna oralady. Sekerdiń qaza bolǵan aǵasyn alyp kele
jatqanyn alystan kórgen seksen jastaǵy ákesi sybyzǵysyn qolyna alyp oınaı bastaıdy, onyń oıynynan:
«Seker menen Baraǵym,
Aınalaıyn qaraǵym,
Bireýińnen aırylyp,
Búgile jerge qaradym», —
degen Taılaqtyń zarly joqtaýy estilgendeı. Sybyzǵynyń únin estigen Baraqtyń áıeli bir jamandyqtyń bolǵanyn sezedi. «Sybyzǵy úni qulaǵyma kelmese eken» dep ol qapalanady. Sybyzǵynyń joqtaýyna jınalǵan jurt, Taılaqqa kóńil aıtady, biraq ol oınaı beredi, oınaı beredi. Álden ýaqyttan keıin qaljyraǵan Taılaq, esinen aırylyp, qulap túsedi. Yqylas bul kúıdi jańa boıaýmen naqyshtap qobyzǵa salady.
You Might Also Like
-
Yqylas qobyzshy jol júrip kele jatyp, bir ózenniń jaǵasyndaǵy jalǵyz aǵashtyń túbine toqtaǵan eken deıdi. Astyndaǵy atyn otqa qoıa berip, aǵashtyń kóleńkesinde dem almaq bolǵan. Kenetten shyryldap báıek...
-
Japan dalada óleksege qonyp, jemtik shoqyǵan qarǵa balapandaryna aqyl aıtypty, dep bastalady ańyz. «Balapandarym, men qartaıdym! úsh júz jasqa keldim. Ómirde kópti kórdim, kóptegen nárselerge k...
