InfoHub Logo

Bir batyr nemese jolaýshy uzaq joldan sharshap kele jatyp, kún ystyqta japandaǵy bir ósip turǵan alyp báıterektiń kóleńkesine kelip demalady. Maýjyrap uıyqtap ketken ol bir kezde tynymsyz shyryldaǵan daýystan oıanyp ketedi. Bul ne eken dep basyn kóterip joǵary qarasa, báıterektiń joǵarǵy jaǵynda shyryldap zar qaǵyp ushyp júrgen shyńyraý qusty kóredi jáne báıterektiń basyndaǵy shyńyraýdyń uıasynda balapandardyń shyryldaǵan daýsyn estıdi. «Bularǵa ne boldy» dep taǵy da aınalasyna qarasa, tómende olardy jeýge órmelep bara jatqan úlken ábjylandy (nemese aıdahardy) kóredi. Shyńyraý qus ony uıasyna jibermeý úshin arpalysyp júr eken. Jańaǵy adam dereý qynabynan qylyshyn sýyryp alyp jylandy shaýyp óltiredi. Sóıtip, qustyń balapandaryn ajaldan aman alyp qalady. Osydan keıin shyńyraý qus batyrmen máńgi dos bolýǵa ýáde beredi.

 

---