Shoshaı tártibi
Ótken ǵasyrlarda qazaq halqy Otanyn, dinin satqandarǵa, qudaıǵa, paıǵambarǵa, arýaqqa til tıgizgenderge, asa aýyr qylmys jasaǵandarǵa óte qatań tártiptik zań qoldanǵan.
Onyń aty – shoshaı. El aǵalary, din basylary mundaı adamdardy shaqyryp alyp, istiń anyq-qanyǵyn tolyq anyqtaıdy. Eger qylmysy anyqtalǵan bolsa, ony el aldynda aıyp salyp, elden qýady nemese shoshaı etedi.
Shoshaı etý degen – qylmyskerdiń úıin aýyldan bes-alty júz qadam bólek tigý. Ol úıdiń adamyn da, malyn da aýylymen aralastyrmaıdy. Sóıtip, el zańynda materıaldyq qana emes, rýhanı jaǵynan da jazalaý bolǵanyn baıqaımyz. Mundaı jaǵdaıǵa ushyraǵan úıdi shoshaı úı, adamyn shoshaı qazaq dep ataıdy. Olarǵa qurmet jasalmaıdy, olar qonaqqa, toıǵa, májiliske shaqyrylmaıdy.
You Might Also Like
