InfoHub Logo

Shymkent qalasynyń prokýratýrasy 1,7 mıllıard teńgege jýyq búdjet qarajatyn tıimsiz jumsaýdyń aldyn aldy. Bul aqsha eshqandaı úıi, turǵyny joq aýmaqqa ınjenerlik ınfraqurylym tartýǵa baǵyttalǵan bolatyn.

Bul týraly Infohub.kz aqparat agenttigi habarlaıdy.

Jobanyń negizsizdigi anyqtaldy

Qala prokýratýrasy memlekettik qarajatty josparlaý jáne paıdalaný kezinde zań buzýshylyqtardy anyqtady. Bir mıkroaýdanda ınjenerlik ınfraqurylym qurylysy jobasy boıynsha búdjet qarajaty tıisti negizdemesiz qarastyrylǵany belgili boldy. Sebebi, atalǵan aýmaqta turǵyn úıler, halyq jáne qajetti qurylystar bolmaǵandyqtan, ınjenerlik jelilerdi tartýǵa naqty qajettilik týyndamaǵan.

Qarjylandyrý qysqartyldy

Jer ýchaskeleriniń bir bóliginiń bólinbegeni, jobalyq-smetalyq qujattamanyń naqty jaǵdaıǵa sáıkes kelmegeni jáne jobany qazirgi jaǵdaıda júzege asyrý merziminen buryn ári ekonomıkalyq turǵydan tıimsiz ekeni anyqtaldy. Prokýrorlyq qadaǵalaý aktisiniń nátıjesinde qarjylandyrý parametrleri qaıta qaraldy. Qosymsha kelisimge qol jetkizilip, 1,7 mıllıard teńge kóleminde shyǵyndar qysqartyldy. Bul búdjet qarajatynyń tıimsiz qoldanylýyn boldyrmady.