Shymkentte 20 mıllıon teńgeniń altynyn urlaǵan páter urylary ustaldy
Shymkent qalasynda bir aı kóleminde onǵa jýyq úıge túsip, iri kólemde altyn buıymdardy jymqyrǵan páter urylary qolǵa tústi. Bul týraly Polisia.kz habarlady.
Qalalyq polısıa departamentiniń málimetinshe, jedel-izdestirý is-sharalary barysynda páter urlyǵyna qatysy bar bes er adam anyqtalyp, ýaqytsha ustaý ızolátoryna qamaldy. Tergeý nusqasyna sáıkes, olar turǵyn úılerge tereze arqyly kirip, negizinen altyn buıymdardy nysanaǵa alǵan.
Aldyn ala esep boıynsha, keltirilgen materıaldyq shyǵyn 20 mıllıon teńgege jýyqtaǵan. Qazirgi tańda tártip saqshylary urlanǵan áshekeılerdiń bir bóligin ıelerine qaıtaryp bergenin málimdedi.
Quqyq qorǵaý organdary kúdiktilerdiń basqa da uqsas qylmystarǵa qatysy bar-joǵyn tekserip jatyr. Tergeý amaldary jalǵasýda.
Polısıa ókilderi turǵyndarǵa qaýipsizdik sharalaryn kúsheıtýdi eskertedi. Atap aıtqanda, páterlerge beınebaqylaý ornatý, senimdi qulyptar qoldaný jáne uzaq ýaqytqa úıden ketken jaǵdaıda kórshilermen habarlasyp otyrý sıaqty aldyn alý amaldaryn nazarda ustaý qajettigine nazar aýdartady.
You Might Also Like
-
Almatyda moped aıdap qashqan kúdikti polıseıdi súırep áketti,biraq alysqa uzaı almady— dep habarlaıdy Infohub tilshisi.
-
Shildeniń alǵashqy jeksenbisinde elimiz Ulttyq dombyra kúnin atap ótti. Bul — qazaqtyń rýhanı baılyǵyn ulyqtap, ult bolmysynyń ózegine úńiletin mereıli kún.
