InfoHub Logo

Shymkenttik jýrnalıs Araı Esenbekke qatysty jańa beınejazba áleýmettik jelide tarap, jurtshylyqtyń nazaryn aýdardy. Kadrlarda ony ádeıi arandatý áreketi bolǵany anyq baıqalady: birneshe adam jasyryn kamera ornatyp, jýrnalıske qomaqty aqsha usynǵan.

Bul týraly Infohub.kz aqparat agenttigi habarlaıdy.

Para usynyldy, biraq jýrnalıs qabyldamady

Vıdeoda Janna Baıseıitova men Meıirbek Tólebaev esimdi azamattardyń qara sómkege salynǵan aqshany jýrnalıske usynǵany kórinedi. Alaıda, Araı Esenbek bul usynysty birden qabyldatpaı, aqshadan bas tartty. Ol óz ustanymyn naqty jetkizip, «Sómkeńe salyp qoı, men almaımyn» dep jaýap bergen.

Arandatý áreketiniń mán-jaıy

Sóılesý barysynda Meıirbek Tólebaevtyń syrtqa shyǵyp, basqa adamdarǵa «eki kamera qoıylǵanyn» jáne jýrnalıs aqshany almaǵanyn aıtqany da jazbada kórinis tapqan. Bul jaǵdaı jýrnalısiń ádeıi arandatylǵanyn meńzeıdi.

Aıta keteıik, buǵan deıin 24 sáýirde sot sheshimimen Araı Esenbek 5 jylǵa bas bostandyǵynan aıyrylǵan bolatyn.

Jýrnalısiń burynǵy qyzmetteri

Araı Esenbek buǵan deıin túrli medıa salalarynda eńbek etken. Ol «Habar» agenttiginde, «Ońtústik» telearnasynda (burynǵy «Qazaqstan-SHymkent»), «31 arnada» jáne «Azattyq rýhy» basylymynda tilshi qyzmetin atqarǵan. 2020 jyly Shymkent qalasy ákiminiń baspasóz hatshysy bolyp taǵaıyndalyp, keıin qalalyq Aqparattyq komýnıkasıalar ortalyǵyn basqardy. Sońǵy qyzmetteriniń biri – «Amanat» partıasynyń Shymkent qalasy Ál-Farabı aýdandyq fılıalyndaǵy atqarýshy hatshy laýazymy.