InfoHub Logo

Qazaqstan Premer-mınıstriniń birinshi orynbasary Roman Sklár kólik mınıstri qyzmetinen ketken Marat Qarabaevtyń otstavkasyna baılanysty pikir bildirdi. Bul másele Aqordada jýrnalıserdiń suraǵyna jaýap berý kezinde kóterildi.

Sklárdyń aıtýynsha, Qarabaevtyń otstavkasyna naqty sebepter bolǵan. Atap aıtqanda, Prezıdent Qasym-Jomart Toqaev Qaýipsizdik keńesiniń otyrysynda Kólik mınıstriniń qyzmetin qatty synaǵan.

– Bul sheshimge belgili bir sebepter boldy. Basshylarda sheshilýi tıis mindetter bolady. Qarabaev mınıstrlikke júktelgen mindetterdiń bir bóligin oryndady. Endi jańa mınıstr aldaǵy mindetterdi atqarady. Memleket basshysynyń tarapynan óte qatty syn aıtylǵanyn bilesizder. Menińshe, Kólik mınıstrliginiń jumysyna áli de taldaý jasap, jumys isteý kerek, – dedi Roman Sklár.

Marat Qarabaevtyń kólik salasyndaǵy reformalary, jol sapasy, tranzıttik áleýetti damytý men logıstıka baǵytyndaǵy bastamalary qoǵamda túrli pikir týdyrǵan bolatyn. Alaıda mınıstrlik tarapynan naqty nátıjelerdiń bolmaýy, keshigýler men júıeli máselelerdiń sheshilmeýi onyń ornyn bosatýyna túrtki bolǵany baıqalady.

Prezıdent Toqaevtyń tikeleı syny men salalyq nátıjelerge baılanysty Marat Qarabaevtyń otstavkasy — bılik tarapynan tıimdilikti talap etýdiń kórinisi. Aldaǵy ýaqytta mınıstrliktiń jumysy tereń taldaýǵa túsip, jańa basshydan naqty nátıjeler kútiletini anyq.