InfoHub Logo

Qyrǵyzstannyń burynǵy prezıdenti Almazbek Atambaev syrttaı 11,5 jylǵa bas bostandyǵynan aıyryldy. Sot sheshimi boıynsha, onyń múlki tárkilenip, barlyq memlekettik nagradalarynan aıyrylmaq.

Atambaev birneshe aýyr aıyp boıynsha kináli dep tanyldy:

🔹 Qoı-Tash aýylynan zańsyz jer telimderin berý,
🔹 Bishkek JEO-yn jańǵyrtý kezindegi jemqorlyq,
🔹 2019 jylǵy Qoı-Tash oqıǵasy kezindegi jappaı tártipsizdikterdi uıymdastyrý.

Eske sala ketsek, Almazbek Atambaev Qyrǵyz Respýblıkasyn 2011–2017 jyldary basqarǵan. Saıasatkerge qatysty sot sheshimi el ishinde túrli pikir týdyrdy.

🎙 Sadyr Japarov raqymshylyqqa ıshara jasady

Qazirgi prezıdent Sadyr Japarov Atambaevqa qatysty pikir bildirip, raqymshylyq jasaý múmkindigin joqqa shyǵarmady:

«Sot sheshimin eshkim ózgerte almaıdy. Biraq mende raqymshylyq jasaý quqyǵy bar. Qoı-Tash oqıǵasynan beri alty jyl ótti. Múmkin, aıyppul ne probasıamen shektelgen durys bolar ma edi», – dedi Japarov.

Bul málimdeme qoǵam nazaryn aýdardy. Sarapshylar eks-prezıdentke raqymshylyq jarıalanýy múmkin ekenin joqqa shyǵarmaı otyr.