InfoHub Logo

      (syqaq)

 

Bankomatqa turyp

Jatyp kezekke

Ádetimen jeńil minez jezókshe

Erkekterge qylmyń –qylmyń etken-di.

Ýyzdaı jas áıtse-daǵy etjeńdi,

Áldebireý buǵan nazar etken-di.

-Siz be sońy?

Kózin qysyp, kúlim etip,

Erinderi  jybyr etip:

-Iá,- degen bul-daǵy.

-Jaqsy,- degen anaý buǵan taqalyp.

«Ózi sulý, ózi alyp jigit» eken dep,

Turdy Jaına oıǵa ketip, tańqalyp:

«Mundaı jandy buryn- sońdy kórmegem».

Anaý bolsa muny baıaý tergegen.

-Qaı kóshede turasyz?

Qaıda isteısiń degendeı?

Jaına bolsa, jaýap berip eleńdeı,

Onyń jaıyn suraǵan.

-Atym- Elaman.

-E-la-maan,  ádemi eken esimiń...

-Kezegińiz...- deıdi anaý suraǵandaı keshirim,

Bankomattan saýlap teńge jóneldi.

«Aqymaq qatyn... aqsha alyp tur kólemdi,

Muny tekke jibermeımin men endi»,-

Degen oıǵa bekinip.

Qulaǵyna áldeneni sybyr etti taıanyp,

Tula boıyn bılep sol sát aıarlyq

-Dál siz úshin qalmasym haq aıanyp,-

Dedi daǵy 

Tosyp turdy.

Syrbaz jandaı sanaly

Oınaqshıdy jylt –jylt etip janary.

Qoltyqtasyp shyqty bular dalaǵa,

Ash qushaǵy qurystyryp anany,

Sezim qurty boıyn bılep barady,

Jan –jaǵyna tintine anaý qarady.

Qarańǵylaý kóshe edi bul

Júrginshiler shamaly.

Bir tentek oı sharpyp ótti sanany,

Tonap ketsem, tabylsa bir amaly...

Qazylǵan or aldarynan tap kelip,

Qolyndaǵy sómkesine shap berip,

Julyp alyp ózin orǵa ıterip

Jiberdi de, ǵaıyp boldy tezinen.

...Ol ólgenmen,

Tún túskende qarańǵylaý kósheni,

Qaıtpaǵandar meseli

Tentireıdi qaıtarmaq bop eseni...

Barady áne kókteı órlep kósheni

Amanaty  XX - ǵasyrdyń

XXI - sozylmaly keseli.

 

Súleımen Baıazıtov

---