InfoHub Logo

Sadyqbek aǵa, ózińdi saǵynad kózi kórgender,

Kórmese de sózińnen  marjan tergender.

Satıranyń sarbazy sońyńyzdan ergender,

Búgingi sur mergender.

Ýdaı edi tilińiz,

Áıtse de bir minińiz-

Paraqorlarǵa jaqpaýshy eń.

Jatyp- isher jalqaýdy,

Ashyq aýyz ańqaýdy,

Ury menen qaryny,

Jerdi syzǵan qaryny

Jemqorlardy qaqtaýshy eń.

Shyńǵyrtyp satıra otyna,

Salýshy eń ardyń sotyna.

Olar da qarap qalmaıtyn,

Jaǵańyzdy qarmaıtyn,

Saqalyńyzdy taldaıtyn,

Janyńyzdy almaıtyn,

Kezenip myltyq atpaıtyn.

«Bir sabap ber»,- dep buzyqty

Joq edi dástúr jaldaıtyn.

Esesine esti alyp,

Naıza tilin túıreıtin,

Sottan sotqa súıreıtin.

Bir sıqyryń bar edi,

Otqa salsa kúımeıtin,

Sýǵa salsa batpaıtyn.

Seni maıyp etem degender

Aqyr sońynda kúıreıtin.

Satıranyń sardary,

Syqaq sózdiń tarlany.

Sákeńderdiń sirá da

Boldy ma eken armany?!..

 

                                           Súleımen Baıazıtov

---