InfoHub Logo

 

 «Ózińe sen, ózińdi alyp shyǵar,
Eńbegiń men aqylyń eki jaqtap». (s) Abaı 

Ózińizden surap kórińiz: «Adamdar baıý arqyly aqylǵa qol jetkize ma, nemese aqyl arqyly baılyqqa ıe bolady ma?», – dep. Árıne, kópshilik jaǵdaıda, aldymen aqyldy qoldaný arqyly, molshylyqqa qol jetkiziledi. Sondyqtan, jetistikke jetken adamdardyń sizdermen bólisetin 8 ádetin óz ómirińizge endirýge tyrysyńyz. Olardan óz armanyna, jumysyna jeteleıtin kushtarlyqty, ózin baǵalaýdy úırenip, iske kirisińiz. Eger, baıyǵyńyz kelse, aǵymmen qalqyp júretin adam emes, túpkilikti nátıjeniń adamy bolyńyz.

Tabıǵaty jeńimpaz
Olar úshin sátsizdik degen bolmaıdy. Súringen sátti – sáttilikke ótkizetin kópir  dep sanaıdy. Jaǵdaıdy der kezinde baǵalap, tájirıbe jınaqtaıdy. Ýaqyt óte tek kúsheıe túsedi. 

Ózin óte joǵary baǵalaıdy
 Ómirlik ustanǵan urandary-«Men budan da artyqpyn, men ózimdi-ózim súıemin, múmkinshiligim keremet!»

Adamdarǵa senedi 
Sebebi, óziniń oıyn baskalardyń kómegi arqyly iske asyrady. Táýekelge jıi barady jáne onysy aqtalady. Ol tek aqshany ǵana emes, bolashaq istiń barysyn aldyn-ala boljaı alady.

Ne isteý kerek ekenin anyq biledi
Ol óziniń maqsatqa barar jolyn tyńǵylyqty josparlaıdy. Óz múmkinshiligine senimdi bolyp, barlyq ýaqytyn osy oıyn iske asyrýǵa jumsaıdy.

Basqalarmen til tabysa biledi
Ár sózin qorshaǵan ortaǵa, naqty jaǵdaıǵa baılanysty oılanyp baryp sóıleıdi.

 Ómir aǵymynan qalmaýǵa tyrysady  
Óziniń isi men kásibindegi ǵana emes, eldegi, álemdegi bolyp jatkan ózgeristerdi jiti baqylap otyrady.

Múmkinshilikterdi kóre biledi
 Ol qandaı jumysty bolmasyn sapaly istep, ári jaýapkershilikpen qaraıdy. Osyny ózine ádet qylyp qalyptastyrady. Únemi kóterińki kóńil-kúıde júredi.

Erte jatyp, erte turady
 Jetistikke jetken adamdardyń basym bóligine tán ortaq ádet: olar teledıdardy óte sırek kóredi jáne uıyqtaýǵa erte jatady. Esesine tańerteń erte turyp, tań bozynan jumysqa kirisip ketedi. Olar basqalar shyrt uıqyda jatqanda, aldaǵy kúnniń jumysyn  josparlap qoıady. Bul ádetter – olardyń únemi tabysty bolýyna óz septigin tıgizedi.

---