InfoHub Logo

Sabaqtyń taqyryby: Tabıǵat pen adam - egiz uǵym
Sabaqtyń maqsaty: Tabıǵat qundylyǵy týraly túsinikterin keńeıtý; tabıǵattyń tylsym qudiretin - túsinýge, syrly tabıǵat qubylystaryna qyzyǵýshylyqqa tárbıeleý.
- adam men tabıǵattyń úılesimdiligi, tabıǵattyń tylsym qudireti, onyń adam tirshiligine áser - yqpaly týraly uǵymdaryn keńeıtý;
- tabıǵattaǵy jumbaqqa toly dúnıeni tanýǵa qushtarlyqqa, olardyń syrlaryn ashýǵa qyzyǵýshylyqqa, tabıǵat qubylystaryn durys paıymdaı bilýge baýlý;
Sabaq túri: ujymdyq - toptyq, tárbıe saǵaty
Sabaq kórnektiligi: ınter taqta, slaıd shoý

Sabaqqa kirispe:
Tabıǵat tylsymyna bir sát kóńil aýdaryp, oǵan mán beretin bolsaq, ózara úılesim tapqan alýan túrli qubylystardyń birtutastyǵyn baıqaısyń. Tabıǵat tylsymyn túsingen adam qorshaǵan álemdi qurmetteýge, syryn uǵýǵa qushtar bolady.

Tabıǵattaǵy araılap atqan tań, qyzaryp batqan kún, júıtkigen buıra bulttar, san qubylǵan saǵym, jarqyraǵan quıryqty juldyz, barqyt túndegi elester, ánshi qum, bıshi qaıyń tárizdi qupıa syrly tylsym dúnıege toly bolyp keledi. Osynaý tańǵajaıyp qubylystar - tabıǵattyń eń tamasha syıy. Tabıǵat sýrettegi adam janyn názik sezimge bólep, búkil ómirdi kóz aldyńa jaıyp salady.
Tilsiz tabıǵattyń tylsymyn túsinip, ony aıalaý, qorǵaý jáne kórkeıtý - árbir adamnyń mindeti ári boryshy. Sebebi, tabıǵat pen adam - egiz uǵym. Olaı bolsa tabıǵat pen adam - egiz uǵym atty ashyq tárbıe saǵatymyzdy bastaımyz

Ashyq tárbıe saǵatymyz úsh bólimnen turady.
Poezıa mınýty
Tańǵajaıyp tabıǵat
Tabıǵat týraly óz oıym (esse)
4. Tabıǵattyń panasy - adamzattyń balasy(oı - talqy)

Sabaqtyń barysy:
1.
2. Poezıa mınýty
«Tórt kelin» Laýra
«Jer túrlener» Bekulan
«Aqyn babam» Jansaıa
«Bar jaǵynan birdeı kórip turar em» Nurdáýlet
«Jel júgirip barady jer betimen» Gúlnaz

3. Tań qaldyrǵan tabıǵat – Oqýshynyń tabıǵat týraly óz oıy
- Amanjan: Tabıǵat - adamzatpen birtutas dúnıe. Tabıǵat, Jer - ana, Týǵan jer, Atameken - qulaqqa jyly estilip, shattyq sezimin uıalatatyn uly uǵymdar. Tabıǵat – adamnyń boıyna qýat, kóńiline shabyt, sezimine lázzat shapaǵatyn uıalatatyn sulýlyq pen ásemdik álemi. Tabıǵat – adam densaýlyǵynyń saqshysy, janǵa daýa, shıpager. Erteden qalǵan «Kózińdi qaldyr - bulaq kózin asha júr, izińdi qaldyr - isten mura shasha júr, ózińdi qaldyr - baqsha ósirip jasa nur» degen sózderde ómirdegi ózińnen keıingi urpaǵyńa ólmeıtin mura qaldyr, sonda «seniń qoldan kózin ashqan bulaǵyń, jaqsy isteriń - shyraǵyń, al jasyl orman - qunaryń bolmaq»dep ósıet qaldyrǵan. Halqymyzdyń maqtanyshy, ǵalym Shoqan Ýálıhanov ta: «Tabıǵat pen adam! Ózińiz aıtyńyzshy, tirshilikte odan ǵajap, olardan qupıa ne bar? Qazaqtar kıege úlken mán beredi. Tabıǵattaǵy, keıbir janýarlar men qustardy, kóshpeli turmysqa qajetti zattardy kıeli dep qasterleıdi. Osy atalǵandardy qurmet tutý, yrym - jorasyn jasattyrý adam balasyna baqyt pen baılyq, qut ákeledi» dep, atap kórsetken.