InfoHub Logo

S. Amanbaıuly atyndaǵy orta mekteptiń
bastaýysh synyp muǵalimi Aıjan Jakýpova

Taqyryby: Tabıǵat qubylystary
Maqsaty:
1. Oqýshylardyń tabıǵat qubylystary týraly túsinikterin keńeıtý, bilimderin júıeleý.
2. Oqýshylardyń erikti túrde turaqty zeıin qoıýyn damytý. Topta jumys isteý daǵdylaryn damytý.
3. Ózgeni de tyńdaı bilýge, alǵan bilimin ómirde qoldana bilýge, aınalasyndaǵy adamdardy qurmetteýge, tabıǵatty súıýge baýlý.
Kútiletin nátıjeler:
Pándik nátıjeler: tabıǵat qubylystaryn bilý;
Tulǵalyq nátıjeler: óz jeriniń tabıǵatyna, onyń rýhanı jáne materıaldyq baılyǵyna, sulýlyǵy men kórkemdigine maqtana bilý, sezine bilý, súıe bilý;
Júıeli is - árekettik nátıjeler: qosymsha aqparatty jınaqtaý jáne olardyń qajettisin iriktep alý biligin qoldana alý.
Sabaqtyń túri: aralas sabaq.
Jumys túri: toptyq jumys.
Qajetti quraldar: oqýlyq, tabıǵat qubylystary men tabıǵı apattardyń sýretteri.
Pánaralyq baılanys: ádebıettik oqý.
Ózekti suraq: Tabıǵat qubylystary adam ómirine qaýipti bola ala ma?

Sabaqtyń barysy
1. Uıymdastyrý kezeńi. Psıhologıalyq daıyndyq.
Balalar bir - birine jaqsy sózder aıtady.
2. Bilimderin belsendirý.
Tabıǵat qubylystary jaıynda jumbaqtardy shesh.
Dúrliktirip qyrqany,
Shaqpaq tastyń jarqyly.
Bult kórpesin jyrtady. /Naızaǵaı/

Shashyldy kókten aq monshaq,
Joǵaldy bizder tapqansha - aq. /Burshaq/
Móldiregen júzimdi,
Ustap edim, ezildi. /Shyq/

Shópti japyryp,
Qumdy sapyryp,
Qoqysty úıirip,
Áketken ne shúıirip? /Quıyn/

3. Sabaqtyń maqsaty men mindetin qoıý.
Tabıǵat qubylystaryn eske túsirý.
- Jańbyr, burshaq, qar, boran, kúnniń kúrkiri, naızaǵaıdyń oınaýy, shyq, qyraý, bult, tuman, jyl mezgilderiniń aýysýy, kóktiń shyǵýy, japyraqtyń sarǵaıýy, muzdyń qatýy, muzdyń erýi, jańbyrdyń jaýýy, kúnniń jylýy, t. b.

- Balalar, osy tabıǵat qubylystaryn óz mezgilderimen sáıkestendirińder.
- Búgingi sabaq ne týraly dep oılaısyńdar?
- Tabıǵat qubylystary.
Taratylǵan qaǵazdardyń túsine qaraı oqýshylardy 4 topqa bólý.
1 - top - jasyl tús – « Kóktem»
2 - top - qyzyl tús - « Jaz»
3 - top - sary tús - «Kúz»
4 - top - kók tús - «Qys»

4. Jańa materıaldy oqý.
1. Toptyq jumys.
Ár top músheleri óz mezgilderine sáıkes tabıǵat qubylystarynyń tizimin toptastyrady. Top músheleri basqa top músheleriniń málimetterin tyńdaıdy jáne óz pikirleri men qosar oılaryn ortaǵa salady.
2. Oqýlyqtaǵy mátinmen jumys
3. «Oılan, tap!» oıyny.
Ár top jeke - jeke ózderi baqylaǵan tabıǵat qubylystarynyń birin sýretteıdi.
Kelesi toptyń mindeti - sol qubylysty tabý.
4. Ózekti suraq: Tabıǵat qubylystary adam ómirine qandaı qaýip tóndiredi?
/Talqylaý/
5. Sýrettermen jumys.
Jer silkinisi, sel, daýyl, qar kóshkini berilgen sýretterdi 4 topqa taratyp berý.
Ár top berilgen sýret boıynsha ózara oılaryn ortaǵa salady.
- Bul tabıǵat qubylystary qalaı atalady? Olar nege qaýipti? Olardyń zardaby
men nátıjesi qandaı bolady? Tabıǵat apaty kezinde ózińdi qalaı ustaısyń?
«Kóktem» toby seldiń júrýi týraly aıtady.
«Jaz» toby daýyldyń soǵýy týraly aıtady.
«Kúz» toby jer silkinisi týraly aıtady.
«Qys» toby qar kóshkini týraly aıtady.

5. Bilimdi bekitý.
1. Oqýlyqtaǵy suraqtarǵa jaýap berý.
2. Ár top óz mezgilin beınelep sýret salý.
6. Refleksıa.
1. Men úırendim:...
2. Meni tańǵaldyrdy:...
3. Men bilgim keledi:...
7. Úıge tapsyrma berý.

Dáptermen jumys.
Ózi qalaǵan mezgildi qatystyryp 1 shýmaq óleń qurastyrý.