InfoHub Logo

Iá, ol bárin bildi. Qarshadaı bolsa da, qaınaǵan ómirdiń bir qýanysh syılaıtynyna senimdi edi. Anasynan jastaı aırylsa da, boıynda er jigitke degen namys jeterlik. Kún aıaz. Adamdar tańǵalyp qaraıtyn úlken murny qyzaryp, qalyń qarǵa iz salyp keledi. Áli kelgenshe shanany súırep keledi. Janynan ótip bara jatqan adamdar tańdaıyn qaǵyp tańyrqap, al keıbiri qaısarlyǵyna tánti. Olaı deýi Ásıanyń sý tasyp, jyńǵyl jaryp, kóne úıdi panalap otyrýy edi. Árıne, ákesimen birge. Ákesi jumysyna ketken de qolǵabys jasaǵan túri ǵoı. Ákesiniń súıip jeıtin palaýyn daıyndap otyryp, apasynyń palaýyn esine aldy. Osyndaı da saǵynyshyn basatyn jalǵyz sýret bar.Sálden soń ákesi keldi. Ákesine eshnárse bolmaǵandaı keıip tanytyp, seniń súıikti asyń áke dep ezýine kúlki jınady. Ákesi alaqanyn ýqalap dastarhanǵa kelip, sendeı qyzdy bergenine shúkir dep Ásıanyń mańdaıynan súıip qysyp qushaqtap aldy. Erekshe sezim. Qaıtalanbas sezim. Arqa-jarqa bolyp baqytqa bólendi. Ol onsyzda baqytty edi. Tek ony taǵdyr ana mahabbatyna zárý qylǵanyna naly edi.

---