InfoHub Logo

9 jáne 10-maýsymda Almaty qalasyndaǵy Ortalyq demalys jáne mádenıet saıabaǵynda halyqaralyq  Dostyq Kúnine oraı VI Unity Fest otbasylyq festıvali ótti.

Unity festıvali — mereke men úılesimniń, shyǵarmashylyqtyń jáne jańa bilim men óner úırenýdiń kóńil-kúıi qalyptasqan oryn. Bul jyl saıyn myńdaǵan eresekter men balalar qatysatyn shyǵarmashylyq orta. Bul sondaı-aq U-Special baǵdarlamasy boıynsha shaqyrylǵan múmkindigi shekteýli balalardy, balalar úıinen kelgen balalardy jáne az qamtylǵan otbasynyń balalaryn, týysqandarynyń qoldaýynsyz qalǵan balalaly áıelderdi de belsendi bolýǵa shaqyratyn maǵynaly áleýmettik joba.

«Festıválda balalardy ári qaraı qalaı jáne qaıda damytýǵa bolatyny jóninde kóptegen aqparat alýǵa bolady. Shyǵarmashylyqqa, sheberlikke, bilimge qyzyǵýshylyq tanyta otyryp balalar ata-analaryna nemen aınalysqylary keletinin, ózderine neniń unaıtynyn kórsetedi. Unity Fest festıvalinde biz 600 qatysýshy men 60 seriktestiń bastaryn qosamyz», — dedi otbasylyq Unity festıvaliniń dırektory Botagóz Aldanǵarova.

Unity festıvaliniń kóp jylǵy seriktesteriniń biri — halyq arasynda qarjylyq saýattylyqty belsendi túrde damytyp júrgen Hoým Kredıt Banki.

Búgingi tańda qarjylyq saýattylyq taqyryby eresekter ǵana emes, balalar úshin de ózekti jáne mańyzdy máselege aınalyp otyr. Qazirgi ýaqytta kóptegen balalardyń aqshany durys paıdalaný daǵdysyn bilmeı ósip kele jatqandary jasyryn emes. Al aqshany durys paıdalanýdy balalarǵa erte jastan bastap úıretken óte mańyzdy. Qarjylyq saýattylyq balalarǵa durys únemdeýdi, qarjylyq maqsat qoıa bilýdi, búdjet quryp jáne aqshany taratýdy úıretip, bankterdiń qalaı jumys isteıtini týraly bilimderin arttyrady.

Jaýapty ári qaýipsiz nesıeleýge, sondaı-aq halyqtyń qarjylyq saýattylyǵyna kóp kóńil bóle otyryp, Hoým Kredıt Banki eresekter úshin de, balalar úshin de belsendi túrde ótkiziletin qarjylyq saýattylyqty arttyrýdyń uzaq merzimdi baǵdarlamasyn jasady.

Banktiń Qoǵammen baılanys boıynsha basshynyń qyzmetin atqarýshysy E. Nurbaeva: «Bizdiń bank Unity festıvaline osy bir otbasylyq qundylyqtardy nyǵaıtýǵa arnalǵan tamasha is-sharanyń birinshi kúninen bastap qoldaý kórsetip keledi. Festıválda biz ádettegideı qarjylyq saýattylyq boıynsha baǵdarlama aıasynda «Qarjylyq saýattylyq shamshyraǵy» degen alańqaıda eki kún boıy festıvál qatysýshylary úshin túrli kóńil kóteretin jáne úıretetin is-sharalar ótkizdik».  

Bıyl «Qarjylyq saýattylyq shamshyraǵy» alańqaıy balalarǵa «Qazyna izdeý» shytyrman kvestin, qarjy taqyrybyna baılanysty kóptegen oıyndar men vıktorınalar, sondaı-aq eń kishkentaı qonaqtar úshin sýret salý baıqaýyn ótkizdi. Erekshe kózge túsken balalarǵa bank estelik syılyqtar, sonymen qatar «Balalarǵaarnalǵan otbasylyq qarjyny ózi úıretkish. Balalar men aqsha» kitabyn syıǵa tartty. 

---