Sońǵy jańartý

(Ózgertilgen ýaqyty 7 saǵat buryn)
Taıland pen Kambodja atysty toqtatýǵa kelisti

Taıland pen Kambodja atysty toqtatýǵa kelisti

Taıland pen Kambodja arasynda týyndaǵan shekaralyq qaqtyǵys ýaqytsha toqtatylatyn boldy. Qos tarap kelesi 24 saǵat ishinde atysty doǵarý týraly kelisimge keldi. Bul týraly Malaızıa premer-mınıstri Anvar Ibragım málimdedi.

Qarýly shıelenis 24 shilde kúni eki eldiń shekarasynda ýshyǵyp, Kambodja Taıland aýmaǵyndaǵy azamattyq ınfraqurylymǵa soqqy berdi. Óz kezeginde Taıland kambodjalyq áskerı nysandarǵa áýe shabýylyn uıymdastyrǵan. Qaqtyǵys saldarynan eki taraptan da qaza tapqandar men jaralanǵandar bar. Myńdaǵan beıbit turǵyn qaýipsiz aımaqtarǵa evakýasıalandy.

Janjalǵa qatysty taraptar bir-birin kinálap otyr. Kambodjanyń qorǵanys mınıstrligi qaqtyǵysty alǵash bolyp Taıland bastady dese, Bangkok jaýapkershilik Pnompenge júktelýi tıis degen ustanymda.

Qazirgi tańda atysty toqtatý týraly ýaǵdalastyq iske asýy úshin taraptar arasynda dıplomatıalyq arnalar arqyly kelissózder jalǵasyp jatyr.

You Might Also Like

Jańalyqtar

Jarnama