InfoHub Logo

Bekmyrzanyń Tájisi jylqyly baı eken. Jelisinen qulyn, kermesinen tulpar, qysy-jazy sabasynan qymyz arylmaıtyn kórinedi. Sol jylqylardyń tólbasy Bozaıǵyr eken.

Ózi baı, ózi jomart, saıatshy, qusbegi, márt, elge istegen jaqsylyǵy kóp, mektep, medrese ashtyrǵan parasatty Táji bir kúni Sybanquldy arnaıy at jiberip aldyrtady. Neshe kún kúı tartqyzyp, syı-sıapat kórsetedi. Zamandasynyń kóńilin tapqan Sybanquldy aýyl adamdary birinen soń biri shaqyrtyp qonaq etedi. Táji qasyna ertip ań, qus aýlaýǵa aparady. Ańshylyqta júrip te Sybanqulǵa neshe túrli sıqyrly kúı
tartqyzady.

Sondaı kóńildi bir sátterde Táji:

— Sybanqul, seniń atyńdy kúı shyǵarady, al meniń atymdy ne shyǵarady? — deıdi.

Sonda Sybanqul:

— Seniń atyńdy myń jylqynyń basy Bozaıǵyr shyǵarady, — depti. Shyndyǵynda, moınyna quryq saldyrmaı ótken Bozaıǵyrdan myń qulyn taraıdy. Kártaıǵanda aljyp, úıiri nen aıyrylyp, kóringen jylqy saı-saıǵa qýalap tastasa, ashynǵan Bozaıǵyr aıdalada turyp azynaıdy eken.

Sony kórgen Sybanqul Tájiniń aldynda turyp kúı tartady.

— Munyń atyn atashy, — deıdi Táji.

— Bul — «Tájiniń Bozaıǵyry», — depti Sybanqul.

---