InfoHub Logo

Bir kúni kúıshi Saryózen degen ózendi boılaı órlep kele jatady. Ózen tasyp, tolqyndary tóńkerilip, tynbaı týlap, tasqa tıgende qaıta qaıyrylyp, sandyqtyń aýzyn ashqandaı aqtarylyp jatady. osy kóriniske qyzyǵa qarap kele jatqanda, artynan atpen bir jigit jaqyndap:

— Assalaýmaǵaleıkúm! — deıdi.

Sybanqul úndemeı júre-júre bir kezeńdi asqanda baryp jigitke burylyp:

— Ýálıksalam, — depti.

— Oı, ata men sizge saıdyń aıaǵynda sálem berip edim, basyna kelgende jaýap qatqanyńyz qalaı? — dep suraıdy jigit.

Sonda Sybanqul kúıshi:

— Sen, balam, renjime. Men baǵanadan beri «Sandyq ashty Saryózen» degen kúı tartyp kele jatyr edim, — dep dombyrasyn qorjynynan alyp, sol jerde álgi kúıin tartqan eken.

---