InfoHub Logo

Mine, kózdi ashyp-jumǵansha, taǵy bir oqý jylyna qadam bastyq. Balapandarymyz bir-bir jasqa eseıip, altyn uıa mektebimizge qaıta oraldy.

Bıylǵy jyl elimiz úshin erekshe jyl boldy. Álem kóz tigip otyrǵan EHSPO-2017 kórmesi de sátti bastalyp, oıdaǵydaı aıaqtaldy. Sondaı-aq, halqymyzdyń birtýar uly alǵashqy dıplomat, elshi N.Tórequlov esimdi Alash ardaqtysy 125 jasqa tolsa, sol uly tulǵanyń esimin ıelený bizdiń enshimizge buıyrǵan eken. Mektebimiz bıylǵy oqý jylynan bastap, «N.Tórequlov atyndaǵy №121 jalpy orta mektebi» komýnaldyq memlekettik mekemesi dep atalýda.

«Men sizderge - jańa býyn Qazaqstandyqtarǵa senemin. Sizder jańa baǵyttyń qozǵaýshy kúshine aınalýǵa tıissizder»-deıdi Elbasymyz.  Iá, Elbasymyz N.Á.Nazarbaev aıtqandaı, qoǵamdy qashanda ilgeri jeteleıtin kúsh-bilim. Ásirese, búgingi HHI ǵasyr urpaqtarynyń altyn qaǵıdasy osy sóz bolýy tıis. Ózindik pikiri qalyptasqan, shyǵarmashyl da isker, ana tilin súıetin, ulttyq muralaryn qurmetteıtin, Otanyn janyndaı súıetin tulǵa tárbıeleý-ár ustazdyń mindeti.

Bizdiń mektebimiz oqýshylardyń ómirlik jolyn qalyptastyrýda ata-analarmen baılanys ornatýdy basty krıterıı retinde alǵan. Ustaz, ata-ana jáne jas óskin-úsheýiniń oı-pikiri bir arnada toǵyspaı, bolashaqty bekem qalaý qıyn.

Halqymyz Táýelsizdik jemisiniń ıgiligin kórip, týymyz kókte jelbirep, Elbasymyz eńsemizdi kóterip, Ánuranymyz jan dúnıemizdi asqaqtatyp, erteńgi bolashaqqa nyq qadam basyp jatqanyna shırek ǵasyrdan asty.

Búldirshinderimiz uly da ulyq ustaz degen qadirli adamnan dáris alýda. Bizdiń mektep ujymynyń aldyna qoıǵan basty maqsaty- ár oqýshynyń jeke tulǵalyq qadamyna jol ashý bolyp otyr.

«Bilim-qural. Bilimdi adam quraly saı usta sekildi, ne istese de kelistirip isteıdi»-dep A.Baıtursynov aıtqandaı, endi mektebimizdiń  (2016-2017) ótken oqý jylyndaǵy oqý jetistikterine toqtalsaq:

Mektepte 21 pán aptalyqtary ótilip, oqýshylarymyz joǵary dárejede bilimdarlyqtaryn kórsetti. Aýdandyq pán olımpıadalarynda matematıka páni boıynsha 8 synyp oqýshysy Amangeldi Ramazan; Týrsynbaeva Sholpan, Alıev Ersultan -9 synyp oqýshylary  orys tilinen; Mamberdi Sandýǵash-8 synyp oqýshysy, Oraz Nýrsýltan - 10 synyp oqýshysy orys tili páni boıynsha; 11 synyp oqýshysy Feodorova Marına qazaq tilinen júldeli oryndardy ıelendi.

Internet olımpıadalarynan - 40 oqýshy, 15 muǵalim júldeger atandy. Ulyqbek Dana, Saparova Janel, Nıazbek Nýrsymbat, Ámze Aısulý, Syzdyq Asyljan, Darmenov Oryntaı, Syzdyq Mereı, Ábdáshim Symbat, Ábdáshim Gúlsaıa, Izbasar Ýlmıra, Saparymbetova Aqnıet, Bahtıerova Baǵıla, Karımbaı Malıka, Nýrysh Uljan, Mamberdi Sandýǵash, Qurmanáli Araı, Dúısenbek Aqjúnis, Japparhanova Aınur,  Perdebaeva Arýjan, Ermahanbet Dınara, Qasym Aıajan pán muǵalimderi:  R.Ernazarova, S.Serıkbaeva, G.Baımenova, Z.Tajıbaevalar.

«Samuryq» zıatkerlik olımpıadalaryna qatysyp, oryn alǵan oqýshylar – Nýrjaýbaeva Aıda, Alǵabaı Ádilet, Lesbek Keremet, Asylhan Bekzatqalı, Juparbek Káýsar, Alımhan Asylhan, Qambar Bıbarys, Áýelbekov Rýslan, Ergesh Araılym, Aıdarhan Rahat, Matjan Baǵdaýlet, Saparhan Aıda jetekshileri: N.Artyqbaeva, S.Sharıpova, J.Týregeldıeva, A.Idırısova, M.Naqypbekova, G.Bekseıtova, G.Kadımovalar.

«Báıterek» zıatkerlik olımpıadasynda Ótegen Aıdana, Rysbek Dına, Saparhan Aıda, Sultanhan Aıajan, Tańsyq Aqnur, Qasym Aıajan, Alıbek Ardaq, Ergesh Araılym,  Sraıl Arýjan, Saparhan Mereıler júldeger atandy.

BS-PRESS pán olımpıadasynda orys tili, matematıka, fızıka pánderi boıynsha birneshe oqýshylarymyz júldeger boldy: Kúderhen Bota, Mombekova Dıana, Mýsaev Ramazan, Nurlanqyzy Aıda, A.Nýrjaýbaeva, Alǵabaı Ádilet, Dúısenbaı Balnýr, Qaldar Amına, Ótegen Aıda, Qasym Aıajan, Ibadýlla Aqnur, Tańsyq Aqnur, Alǵabaeva Saltanat;    Aımaqtyq matematıkalyq olımpıadada Sydyq Arýjan, Aıajan Qasym, Sydyqova Aqjúnis oryn alsa, «Altyn urpaq» olımpıadasynda Seıdázim Rázıa, Tashkenbaı Asylbek, Ergesh Araılym, Perdebaı Arýjan, Bekzatǵalı Asylhan,  Ýngarbekova Jibek syndy oqýshylarymyz top jardy.

Sáýirdiń 25 juldyzynda OJSB ótip, 4, 9, 11 synyptarymyz aýdan boıynsha tapsyrǵan 26 mektep ishinde 6 orynǵa turaqtady.

Jas aqyndar saıysynda top jaryp júrgen birneshe búldirshinderimiz mektebimizdiń abyroıyn asqaqtatýda. Matjan Baqdáýlet, Ábdáshim Gúlsaıa, Pazýldın Jannattar túrli músháıralarǵa qatysyp, oryn alýda. 

Qazirgi kúnde mektebimiz qazaq eliniń talaı tarlandary taban tiregen qutty mekenge aınalǵan desek, artyq aıtqandyǵymyz emes.  Atap aıtar bolsaq, halyq janashyry, nar tulǵaly uly aqyn  Muhtar Shahanov, aqyn Ábildá Aımaq, aqyn Myltyqbaı Erimbetov aǵalarymyz, sazger Israıl Saparbaı, «Qylmys pen jaza» baǵdarlamasynyń júrgizýshisi Nartaı Ótegenov, Elbasymyzdyń synyptasy Roza Tólemisqyzy, «Jaıdarman» KVN oıynynyń avtory ári júrgizýshisi Esen Eleýken, bokser, Evropa chempıony S.Nýrkazov syndy ataqty tulǵalardyń qonaq bolýy oqýshylarymyzdy bıik shyńdarǵa jeteleıdi.

Sport salasynda da oqýshylarymyzdyń jetken jetistikteri az emes. Stol tenısi boıynsha A.Mamaı, N.Serıkbaı, D.Mýhamed-Alı birneshe ret QR chempıony bolsa,Erkin kúresten Anýarbek Jandos, -QR chempıonatynyń qola júldegeri atandy. Rýhanı baı muranyń jalǵastyrýshysy –Mamarahım Sqltanbek Respýblıkalyq balalar men jastar shyǵarmashylyq konkýrsynda júldeli 2 oryndy ıelense, jasóspirimderkomandalary arasyndaǵy fýtboldan QR Birinshiliginde Amangeldi Ramazan 2 oryndy ıelendi. Al, ótken oqý jylynda memlekettik grantty ıelengender sany 7 oqýshy boldy.

«Ustazy jaqsynyń ustanymy jaqsy» demekshi,-osyndaı daryndy, talantty shákirtterdi tárbıelep júrgen ustazdardyń eńbegi ushan-teńiz. Ustazdar qaýymy ózderiniń eńbekterin dástúrli túrde aýdandyq, oblystyq baspa betterine jarıalap turady. Bıylǵy oqý jylynda joǵary sanatty -30 muǵalim, birinshi sanatty-26, ekinshi sanatty muǵalimdir sany -41.

Qoryta aıtqanda, mektebimizdiń az ýaqyt ishindegi qol jetkizgen tabystary mektep dırektory Sáken Sabyrhanovtyń ustazdarǵa durys talap oıyp, saýatty basshylyq jasaýynyń nátıjesi dep bilemiz. Birlik bar jerde tirlik bar degen. Aldaǵy ýaqytta da ıyq tirese júrip, bıik belesterdi baǵyndyra beretinimizge senemin. Elimiz aman, Táýelsizdigimiz tuǵyrly, balalarymyz ǵumyrly bolsyn! Mektebimizge ataýy berilgen Názirdeı nar tulǵaly azamat aǵamyz sekildi, keıingi býyn izbasarlary- metebimizdiń ár bir shákirti elimizge óziniń paıdasyn tıgizer ulandary bolyp, qıaǵa qanat qaǵa berse, bizge odan asqan baqyttyń keregi de shamaly.

Gýlnazıra Abeýova
«N.Tórequlov atyndaǵy №121 jalpy orta mektebi» KMM
dırektordyń beıindik oqytý jáne ádistemelik
jumystar boıynsha orynbasary

---