InfoHub Logo

Belgili qazaqstandyq bloger ári kásipker Sáýle Bazarhannyń qyzy anasynyń ólimine qatysty mán-jaıdy baıandap, qoǵamnan kómek surady. 53 jastaǵy Sáýle Ermahanova Almatydaǵy jeke klınıkada lıposaksıa otasy kezinde qaıtys bolǵan.

Bul týraly Infohub.kz aqparat agenttigi habarlaıdy.

Anasynyń ólimine qatysty kúdikter

Marqumnyń qyzynyń aıtýynsha, dárigerler operasıa jergilikti anestezıamen ótetinin jáne eń kóbi bir jarym saǵatqa sozylatynyn aıtqan. Alaıda, operasıa uzaqqa sozylyp, úsh saǵatqa jýyq ýaqytqa jetken.

«Bir saǵat. Bir jarym. Eki. Úsh. Bizdiń suraqtarymyzǵa eshkim jaýap bermedi. Tek únsizdik boldy. Anamyzdyń qaıtys bolǵanyn týysymyzǵa keshki saǵat 18:00 shamasynda ǵana habarlady», - dep jazdy ol Threads jelisinde.

Jedel járdemniń keshigýi

Otbasy jedel járdemniń tek keshki saǵat 19:00-de kelgenine de kúmán keltiredi. «Úsh saǵat boıy ol jabyq esiktiń ar jaǵynda jalǵyz jatty. Al biz eshteńe bilmedik. Dárigerler nege birden habarlamady degen suraq áli de mazalaıdy», - deıdi marqumnyń qyzy.

Ádil tergeý talaby

Qyzy anasynyń ólimine qatysty dárigerlerdiń áreketi men jedel járdemniń nege keshiktirilgeni týraly jaýap izdep jatqanyn aıtty. «Anamyzdyń ólimine qatysty barlyq mán-jaı anyqtalmaıynsha, klınıka jańa pasıentterdi qabyldaýdy jalǵastyryp otyr. Biz ádil tergeý júrgizýdi jáne klınıka qyzmetin ýaqytsha toqtatýdy talap etemiz», - dedi ol.