InfoHub Logo

Shyǵys Qazaqstan oblysy,
Katonqaraǵaı aýdany, Solonovka aýyly
«Balaýsa» balabaqshasynyń tárbıeshisi
Zaharánova Gýlbarshyn Kakanovna

Taqyryby: Tapqyr qoıan
1 - sábıler tobyna arnalǵan

Bilim berý salasy: qatynas
Oqý is - áreketi: kórkem ádebıet
Maqsaty: balalardy jabaıy ańdarmen tanystyrýdy jalǵastyrý; olardy sýretteri arqyly tanyp, attaryn ataýdy úıretý; ertegi tyńdaý jáne ertegi mazmuny boıynsha qoıylǵan suraqtarǵa jaýap berýge daǵdylandyrý; janýarlarǵa degen súıispenshilikke tárbıeleý.
Bılıngvaldy komponent: qoıan - zaıas
Sózdik jumys: tapqyr, ań patshasy
Tehnologıalyq qamtamasyz etý: jabaıy ańdardyń sýretteri, oıynshyq ańdar; jańbyrdyń, ormandaǵy qustardyń daýystary

Motıvasıalyq - qozǵaýshylyq
Shattyq sheńberi
Qane, qane, turaıyq
Úlken sheńber quraıyq
Aldymenen bárimiz
Amandasyp alaıyq
Ystyq alaqanymmen
Qolyńdy ber, qysaıyn
Amandasyp ózińmen
Qushaqtasyp alaıyn
Úlkenge de siz
Kishige de siz
Barlyǵyna qurmetpen
Bas ıemiz biz!

Uıymdastyrýshylyq - izdenýshilik
Balalarǵa búgin biz ertegiler eline qonaqqa baratynymyzdy aıtyp, bólmeniń ishindegi ańdar qoıylǵan buryshqa otyrǵyzý. Jabaıy ańdar týraly bilimderin tekserý:
- Jabaıy ańdar qaı jerdi mekendeıdi?
- Maǵan qasqyrdy kim kórsetedi eken?
- Aıý qaı jerde tur?
- Qoıan bar ma eken?
- Túlki qane?... degen sıaqty.

Balalarǵa arystandy tanystyrý, onyń ańdardyń ishindegi eń kúshtisi jáne ol - ańdardyń patshasy ekenin aıtý.
Sózdik jumys - ań patshasy (barlyq ańdar onyń aıtqanyn oryndaıdy, odan qorqady)
Búgin biz «Tapqyr qoıan» degen ertegimen tanysatynymyzdy aıtyp, tapqyr sózin túsindirý.
Tapqyr - aqyldy, tez oılaıdy, qıynnan jol taýyp ketedi.
Bılıngvaldy komponent - qoıan - zaıas.
Ian - ıan - ıan - tapqyr qoıan
«Ertegiler elinde» áýeni aqyryn oınap turady. Ertegini aıtyp berý.

Sergitý sáti:
Biz ormanǵa baramyz
Jan - jaǵymyzǵa qaraımyz
Aıý shyqty qorbańdap
Qasqyr shyqty yryldap
Túlki shyqty maıysyp
Qoıan shyqty sekirip
Qoryqpańdar balalar
Óz ornyńdy tabyńdar!
Qaıtalaý suraqtaryn berý:
- Ańdardyń patshasy kim?
- Qaınap turǵan sýdy kim ishti?
- Syılyqty kim aldy?

Dıdaktıkalyq oıyn: «Orynyn taýyp qoı»
Sharty: Sýrettegi qoıannyń (mozaıka) qulaǵy men aıaǵyn óz ornyna qoıý
Balalardy madaqtaý.

Oıyn: «Kún men jańbyr»
Sharty: Bólme ishine bala sanyna qaraı oryndyqtar jáne ár oryndyq ústine ańdardyń sýretterin qoıý. Balalarǵa kimniń qandaı ań bolatynyn aıtý. Qustardyń saıraǵan daýystary estilgen kezde balalar - ańdar oınap júredi. Jańbyrdyń jaýǵan daýysy estilgen kezde ár ań - bala ózderiniń sýreti turǵan oryndyq artyna baryp otyra qalady.
(Balalar oıyndy qyzyǵýshylyqpen oınaıdy)

Reflekstik - túzetýshilik
Balalardy ortaǵa shaqyrý, búgin qandaı ertegimen tanysqanymyzdy esterine túsirtý
- Qoıan qandaı ań eken? (aqyldy)
- Arystan qoıanǵa qandaı syılyq berdi dep oılaısyńdar?(balalar jaýaby)
- Qoıan neni jaqsy kóredi? (sábizdi)
- Arystannyń bergen syılyǵyn qoıan senderge berip jiberdi, sebebi sender búgin kóp eńbektendińder,- dep syılyqty kórsetý, ishindegisin balalarǵa berý.