Tarazda máslıhat depýtaty Nurlan Baıǵazıevke shabýyl jasaldy
Taraz qalasynda Almaty oblysy İle aýdandyq máslıhatynyń depýtaty, advokat Nurlan Baıǵazıev soqqyǵa jyǵyldy. Oqıǵa 13 mamyr kúni keshkisin jergilikti kafelerdiń birinde bolǵan. Aldyn ala málimetke sáıkes, shabýyl kastetpen jasalǵan bolýy múmkin.
Jambyl oblystyq densaýlyq saqtaý basqarmasynyń habarlaýynsha, Baıǵazıev sol jaq bet súıeginiń synýy dıagnozymen aýrýhanaǵa jetkizilgen. Jaraqat ashyq bolmaǵanymen, naýqasqa barlyq qajetti medısınalyq kómek kórsetilgen. Alaıda ol aýrýhanada jatýdan úzildi-kesildi bas tartqan.
«Naýqas sol jaq bet súıeginiń synýy dıagnozymen tústi. Teride jaraqat bolmaǵan. Barlyq medısınalyq kómek kórsetildi. Gospıtalızasıa usynyldy, biraq naýqas odan bas tartty», – delingen basqarma málimdemesinde.
Oqıǵaǵa qatysty polısıa QR Qylmystyq kodeksiniń 293-baby 1-bóligi («Buzaqylyq») boıynsha sotqa deıingi tergeý bastaǵan. Shabýyl jasaǵan adamnyń jeke basy anyqtalyp, ol polısıaǵa jetkizilgen.
«Qazir qylmystyq is boıynsha barlyq mán-jaıdy anyqtaýǵa baǵyttalǵan tergeý jáne jedel-izdestirý sharalary júrgizilýde», – dep habarlady Jambyl oblystyq polısıa departamenti.
You Might Also Like
-
Elektromobılder Qazaqstanda jyldan-jylǵa kóbeıip keledi. Halyqaralyq Energetıka Agenttiginiń (IEA) derekterine súıensek, 2024 jyly álem boıynsha 18 mıllıonnan astam jańa elektromobıl satyldy. Bul ...
-
2 mamyrda QR Saýda jáne ıntegrasıa mınıstri Arman Shaqqalıev Almatyǵa jumys saparymen kelip, bazarlardy jańǵyrtý máseleleri boıynsha bıznes ókilderimen kezdesti.
